बिर्तामोड / प्रदेश १ मा पछिल्लो २४ घण्टामा ६ सय ७३ जनामा
कोरोना संक्रमण पुष्टी भएको । १ हजार ५८५ जनाको पीसीआर परीक्षणमा ४५७ र ७६७ जनाको
एन्टिजेन परीक्षणमा २१६ जनामा संक्रमण देखिएको सामाजिक विकास मन्त्रालयले जनाएको छ
।
मन्त्रालयका अनुसार पीसीआर परीक्षणका आधारमा झापामा १७४, मोरङमा १५९, सुनसरीमा ८५, इलाम र उदयपुरमा ६–६, संखुवासभा र तेह्रथुम
४–४, धनकुटामा ३, खोटाङमा २, ताप्लेजुङ, पाँचथर, भोजपुरमा १–१ र प्रदेश १ बाहिरका ११ जनामा संक्रमण देखिएको छ ।
प्रदेश १ मा आज ३५२ जना कोरोना संक्रमणमुक्त भएका छन् ।
संक्रमणमुक्त हुनेमा २०६ महिला र १४६ पुरुष संक्रमणमुक्त भएका हुन । प्रदेश १ मा
पछिल्लो २४ घण्टामा ९ जनाको मृत्यु भएको छ । मृत्यु हुनेमा ५ महिला र ४ पुरुष
रहेको सामाजिक विकास मन्त्रालयले जनाएको छ ।
