सुनसरी / धरान स्थित वीपी कोइराला स्वास्थ्य विज्ञान प्रतिस्ठानको समस्या
समाधान गर्न गठित उच्चस्तरीय कार्यदलले छानबिन सुरु गरेको छ । प्रधानमन्त्री कार्यालयका सचिव
डा. बैकुण्ठ अर्यालको संयोजकत्वमा गठित आठ सदस्यीय टोली प्रतिष्ठानमा छानबिन
थालेको हो।
टोलीले सुरुमा प्रतिष्ठान सुधारको माग राख्दै
३५ दिनदेखि आन्दोलनरत चिकित्सक, स्वास्थ्यकर्मी
र कर्मचारीलाई भेटेको छ ।
टोलीले प्रतिष्ठानमा भएको अनियमितता, प्रतिष्ठानका पदाधिकारीको
कार्यशैलीको विषयमा पनि छानबिन गर्ने संयोजक अर्यालले बताएका छन् । प्रतिष्ठानमा
भएको सबै अनुसन्धान र छानविन सकेर प्रधानमन्त्रीलाई प्रतिवेदन बुझाउने उनले बताएका
छन् ।
वीपी प्रतिष्ठानमा अनियमिता बढेको र उपकुलपति
ज्ञानेन्द्र गिरी,
शिक्षाध्यक्ष
डा.गुरु खनाल,
रजिस्ट्रार
डा. मोहनचन्द्र रेग्मी र निर्देशक डा. गौरीशंकर साहले प्रतिष्ठान सहि ढङ्गले
सञ्चालन गर्न नसकेको भन्दै आन्दोलन थालेका चिकित्सक र कर्मचारीले चारै जनाको
बर्खास्तको माग गरेका छन् ।
आन्दोलनरत पक्षले साउन देखि काम नै प्रभावित
पार्ने चेतावनी दिएपछि प्रधानमन्त्री शेरबहादुर देउवाले प्रतिष्ठानको समस्या समाधानका
लागि कार्यदल गठन गरेका थिए । कार्यदलको प्रतिवेदन प्रधानमन्त्रीलाई बुझाउने छ ।
