बिर्तामोड / आज देशभर थप १६०३ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ४,८७६ जनाको पीसीआर परीक्षणमा १,०४२ र ३,२५६ जनाको एन्टिजेन परीक्षणमा ५६१ जना गरी १,६०३ जनामा संक्रमण पुष्टि भएको हो ।
त्यसैगरी, कोरोना संक्रमणबाट २७ जनाको मृत्यु भएको छ । हाल देशभरका ९ वटा जिल्लामा सक्रिय संक्रमितको संख्या ५०० भन्दा बढी रहेको छ ।
पछिल्लो २४ घण्टामा २ हजार ५५२ संक्रमित निको भएका छन् । हालसम्म ६ लाख ९ हजार २१८ जना संक्रमित निको भइसकेका छन् ।
