इनरुवा / सुनसरीको कोशी गाउँपालिका ८ मा पुर्वपश्चिम राजमार्गमा भएको सडक दुर्घटनामा परी ३ जनाको मृत्यु र २ जना घाईते भएका छन् । पूर्वबाट पश्चिम तर्फ जाँदै गरेको हायसले विपरीत दिशाबाट आउँदै गरेको मोटरसाइकल र म्याजिक भेनलाई ठक्कर दिदा दुर्घटना भएको हो ।
दुर्घटनमा परी घाईते भएका सप्तरीको डाक्नेश्वरी ५ का मोटरसाइकल चालक २८ बर्षीय उदय साह , बिराटनगर ९ का राम प्रसाद शाह साह र विराटनगरका म्याजिक चालक अक्षयकुमार गुप्ताको उपचारका क्रममा जिल्ला अस्पताल इनरुवामा मृत्यु भएको प्रहरीले जनाएको छ ।
दुर्घटनामा परी घाईते भएका हायस चालक नुवाकोटको विदुर नगरपालिकाका ३५ बर्षीय विकास तामांग र सहचालक नारायण बस्यालको इनरुवा अस्पतालमा उपचार भईरहेको प्रहरीले बताएको छ । घाईते दुवैको स्वास्थ्य अवस्था सामान्य रहेको अस्पतालको भनाई छ ।
पूर्वबाट पश्चिमतर्फ जाँदै गरेको बा ३ ख ७२४४ नम्बरको हाइसले पूर्वतर्फ आउँदै गरेको स १ छ ४६६१ नम्बरको मोटरसाइकल र बा ३ ख ९३६८ नम्बरको म्याजिकलाई ठक्कर दिएको जिल्ला प्रहरी कार्यालय सुनसरीले जानकारी गराएको छ ।
