पथरी / मोरङको पथरीशनिश्चरे नगरपालिका २ जयचौक स्थित पूर्व–पश्चिम राजमार्गमा दुर्घटनामा परी दुई जनाको घटनास्थलमा नै मृत्यु भएको छ ।
बुधबार राती भएको दुर्घटनामा परी दुर्घटनामा परि झापाको झापा गाउँपालिका ६ शरणमतीका ६० वर्षिय लक्ष्मी भन्ने लिलानाथ पौडेल र मोरङको रंगेली ३ रन्जीका ७६ वर्षिय विष्णुमाया सिवाकोटीको मृत्यु भएको हो ।
पूर्वबाट पश्चिमतर्फ गइरहेको मे १ च १८५१ नम्बरको स्कारपियोलाई सोही दिशातर्फ जाँदै गरेको ना २ ख ९४७३ नम्बरको मालवाहक सवारीसाधनले ठक्कर दिदाँ दुर्घटना भएको मोरङ प्रहरीका प्रवक्ता डिएसपी मानबहादुर राईले जानकारी गराएका छन् ।
मालवक सवारी साधनको ठक्करबाट स्कारपियोमा सवार दुई जनाको घटनास्थलमा नै मृत्यु भएको र तीन जना गम्भिर घाइते भएको प्रहरीले जानकारी गराएको छ ।
दुर्घटनामा परी बिर्तामोड २ चारपानेका ३३ वर्षिय बिकाश उप्रेती, सोही ठाउँका ४५ वर्षिय बिनिता पौडेल र हल्दीबारी ५ का २५ वर्षिय रोशन घाईते भएका छन् । घाइतेको विराटनगर स्थित गोल्डेन अस्पतलामा उपचार भइरहेको छ ।
दुर्घटना पछि फरार भएका मालवाहक सवारी साधनका चालकलाई बिहीबार विहान पक्राउ गरिएको प्रहरीले जानकारी गराएको छ ।
