विराटनगर / परीक्षा अगावै प्रश्नपत्र आउट गरेको अभियोगमा प्रहरीले पूर्वाञ्चल विश्वविद्यालयका कर्मचारीसहित १० जनालाई पक्राउ गरेको छ । प्रश्न पत्र आउट गरेको विषयमा छानविन गरिरहेको प्रहरीले ८ जना विद्यार्थीलाई काठमाडौंबाट पक्राउ गरेको छ । त्यसैगरी प्रहरीले एक कर्मचारी र एक विध्यार्थिलाई विराटनगरवाट पक्राउ गरेको छ ।
इन्जिनियरिङ संकायको स्नातक दोस्रो सेमेस्टरको फिजिक्स विषयको परीक्षा हुनुभन्दा दुई घण्टाअगाडि ३ प्रश्न पत्र बाहिरिएको थियो ।
प्रश्नपत्र आउट भएपछि अनुसन्धान गर्न मोरङ प्रहरीमा निवेदन दर्ता गराएका थिए ।
घटनामा संलग्न मानिएका १० जनालाई पक्राउ गरिएको मोरङ प्रहरीका प्रमुख एसपी सन्तोष खड्काले पुष्टि गरेका छन् ।
