काठमाण्डौ । झापाको दमकमा गोली लागेर एक जना विद्यार्थी घाइते भएकी छन्।
झापाको दमकमा एक छात्रामाथि गोली प्रहार भएको छ ।उनको पेटमा एक राउन्ड गोली लागेको बताइएको छ ।उदयपुर घर भई दमकमा डेरा गरी बस्दै आएकी एनिका अधिकारीमाथि शुक्रवार दिउँसो करिब साढे ११ बजेको समयमा गोली प्रहार भएको हो।
सिराहाका एक युवकले चलाएको गोली लागेर हिमालय माध्यमिक विद्यालयमा अध्ययनरत कक्षा १२ मा अध्ययनरत एनिका घाइते भएकी हुन् । गोली हानेर ती युवक भागेको छन् । फरार युवकको खोजी कार्य भइरहेको प्रहरीले जनाएको छ।
छात्राको दमकस्थित लाइफ लाइन अस्पतालमा उपचार भइरहेको छ।उनको हाल आइसियुमा उपचार भइरहेको छ ।
