काठमाडौं आइपुगे कतारका राजा अमिर

काठमाण्डौ  ।  कतारका अमिर शेख तमिम बिन हमाद अल थानी नेपाल आइपुगेका छन्। अमिर दुईदिने राजकीय भ्रमणका लागि नेपाल आएका हुन्।

अमिर थानी बंगलादेशको राजधानी ढाका हुँदै मंगलबार अपराह्न ४ बजे त्रिभुवन अन्तर्राष्ट्रिय विमानस्थलमा अवतरण गरेका हुन्। उनलाई स्वागत  राष्ट्रपति रामचन्द्र पौडेल विमानस्थल पुगेका छन्।

राजा अमिरको भ्रमणबाट कतार र नेपालबीचको आत्मीय सम्बन्ध अझ सुमधुर हुनका साथै पारस्परिक सहयोग एवं सहकार्यका क्षेत्र विस्तारमा मद्दत पुग्ने छ।

अमिर एसियाली मुलुकको औपचारिक भ्रमणमा आइतबार निस्किएको तथा त्यस क्रममा उनले फिलिपिन्स, बंगलादेशको भ्रमण गरिसकेका छन्। दुई देशको भ्रमण सकेर नेपाल  आएका अमिर नेपालमा दुई दिन रहने  छन्।

कतारी प्रतिनिधिमण्डलका नेता अमिरको उपस्थितिमा विभिन्न क्षेत्रमा द्विपक्षीय सहयोग प्रवर्द्धन गर्नेसम्बन्धी सम्झौता र सहमतिपत्रमा हस्ताक्षर गर्ने कार्यक्रम छ।