बस र माइक्रो ठोक्किदा ८ जना घाइते

काठमाण्डौ  ।  भरतपुरको रामनगरमा बसलाइ माइक्रोले ठक्कर दिँदा ८ जना घाइते भएका छन। प्रहरीले जनाए अनुसार आज बिहिबार बिहान ५ बजेको समयमा चितवन भरतपुरको रामनगरमा रहेको नेपाल प्रहरी राजमार्ज सुरक्षा तथा ट्राफिक ब्यबस्थापन कार्यालय अगाडी चेकिङ भइरहेको अबस्थामा उक्त दुर्घटना भएको हो।

चेकजाँचको लागी रोकिराखेको झापाबाट काठमाडौ तर्फ जाँदै गरेको बागमती प्रदेश ०१-००६ ख ४८८८ नं. को यात्रु बसको पडाडी सोहि दिशा तर्फ जाँदै गरेको ग २ ख २२५ नं. को हायस अनियन्त्रित भई ठक्कर खाइ नजिकै रहेको मोटरसाइकल ग्यारेजमा समेत ठक्कर खाँदा हायसमा सवार ८ जना घाइते भएका हुन। निजहरुको नयाँ मेडिकल कलेज भरतपुरमा उपचार भइरहेको छ।

घाईतेहरु: भरतपुर म.न.पा. ११ चितवन बस्ने बर्ष ४४ की मिना सापकोटा, भरतपुर ५ बस्ने बर्ष ४० को केशर साह, भरतपुर २१ बस्ने बर्ष ४४ को मेकना तामाङ, भरतपुर १४ बस्ने बर्ष ५३ को हरिराम ढकाल, भरतपुर बस्ने बर्ष ५१ की धनुमाँया ढकाल, भरतपुर २ बस्नेबर्ष ३० को काशी उपरकोटी, भरतपुर २० बस्ने बर्ष ४७ को तुल ब. घले र सिरान्चोक गा.पा. १ गोरखा बस्ने बर्ष २६ की प्रिती रम्तेल छन। थप अनुसन्धान भइरहेको प्रहरीले जनाएको छ।