काठमाडौं । पश्चिम नवलपरासीको बर्दघाटमा पेस्तोलसहित दुईजना पक्राउ परेका छन् । बर्दघाट नगरपालिका–१३ का अजय अहिर र कमल चौधरी पक्राउ परेका हुन् ।
अजयले लगाएको पाइन्टमा लुकाएको अवस्थामा कालो रंगको पेस्तोल बरामद गरिएको जिल्ला प्रहरी कार्यालय पश्चिम नवलपरासीले जनाएको छ ।
पक्राउ परेका दुवै जनाविरुद्ध जिल्ला अदालतबाट हात हतियार तथा खरखजना मुद्दामा म्याद थप गरेर प्रहरीले अनुसन्धान थालेको छ ।
![सरकार ढल्ने दिवा सपना नदेख्दा राम्रो [प्रधानमन्त्रीले गरेको सम्बोधनको पूर्णपाठ]](https://guptacharkhabar.com/uploads/2024/10/kp-oli.jpg "सरकार ढल्ने दिवा सपना नदेख्दा राम्रो [प्रधानमन्त्रीले गरेको सम्बोधनको पूर्णपाठ]")
