बिर्तामोड / मोरङको बुढीगंगा गाउँपालिका-३ स्थित कोशी लोकमार्गमा सवारी दुर्घटना हुँदा १ जनाको मृत्यु भएको छ । मृत्यु हुनेमा मोटरसाइकल चालक बुढिगंगा-२ बगवनका ३० वर्षीय शोभा राजवंशी रहेको प्रहरीले जनाएको छ । मंगलबार दिउँसो साँढे १ बजे उत्तरबाट दक्षिणतर्फ जाँदै गरेको बागमती प्रदेश ०१-०२७- च २२६६ नम्बरको कारले पूर्वबाट हाइवे तर्फ जाँदै गरेको मे २ प ६९५७ नम्बरको मोटरसाइकललाई ठक्कर दिएको थिए ।
ठक्करबाट घाईते भएका राजवंशीको विराट मेडिकल कलेजमा उपचारको क्रममा मृत्यु भएको हो । कार र चालक धनुषा जनकपुर-७ का २९ वर्षीय शैलेन्द्र प्रसाद यादवलाई जिल्ला प्रहरी कार्यालय मोरङले नियन्त्रणमा लिएर घटना सम्बन्धमा थप अनुसन्धान भइरहेको प्रहरीले जनाएको छ ।
