बिर्तामोड / मोरङको रतुवामाई नगरपालिका - ३ नेपाल भारत सिमा छेउबाट लागूऔषध ब्राउनसुगर सहित १ जनालाई प्रहरीले पक्राउ गरेको छ । पक्राउ पर्नेमा मोरङ पथरी शनिस्चरे नगरपालिका-४ का ५३ वर्षीय खड्ग बहादुर सिलवाल रहेका छन् ।
सोमबार बेलुका ८ बजे प्रहरी चौकी महादेवाबाट खटिएको प्रहरी टोलीले भारतबाट नेपालतर्फ आँउदै गरेको बा ७६ प ४६९७ नम्बरको मोटरसाइकल चेकजाँचको क्रममा सिलवालको साथबाट ६ ८८ ग्राम ब्राउनसुगर बरामद गरी सिलवाललाई पक्राउ गरेको हो । पक्राउ परेका सिलवालको सम्बन्धमा इलाका प्रहरी कार्यालय सिजुवाबाट थप अनुसन्धान भइरहेको प्रहरीले जनाएको छ ।
