काठमाडौँ / पेस्तोलमा प्रयोग हुने नौ एमएमको चारवटा गोली, नक्कली सुनको बिस्कुट, नेपाली सेनाको जर्सी, विभिन्न व्यक्तिका राहदानीहरू डेरामा राखेर फरार रहेका २ जना पक्राउ परेका छन् ।
पक्राउ पर्नेमा प्रमीला तामाङ र विशाल गुरुङ रहेको प्रहरीले जनाएको छ । उनीहरूलाई महानगरीय प्रहरी परिसर काठमाडौँ र महानगरीय प्रहरी वृत्त नयाँबानेश्वरले पक्राउ गरेको हो । उनीहरु कोटेश्वर नरेफाँटमा रहेको सुनमाया श्रेष्ठको घरमा डेरामा बस्दै आएका थिए ।
