सप्तरी / सप्तरीको राजगढ गाउँपालिका–५ स्थित मलेकपुरमा मोटसाइकल दुर्घटना हुँदा तीन जनाको मृत्यु भएको छ ।
मृत्यु हुनेमा हनुमाननगर कङ्कालिनी नगरपालिका –३ बस्ने ३० वर्षीय पप्पु यादव, सोही ठाउँका २६ वर्षीय सन्दीप यादव र बुच्चु भनिने २५ वर्षका रञ्जीत यादव रहेका छन्।
भारदहबाट पथरगाडा तर्फ जाँदै गरेको प्रदेश १–०२– ०४१प २२९६ नम्बरको मोटरसाइकल र प्रदेश १–०२– ०४१प ९५२४ नम्बरको मोटरसाइकल एकापसमा ओभरटेक गर्ने क्रममा ठोकिएका थिए।
दुर्घटनामा परी गम्भीर घाइते भएका तीन जनाकै उपचारका क्रममा राजविराजस्थित गजेन्द्रनारायण अस्पतालमा मृत्यु भएको जिल्ला प्रहरी कार्यालय सप्तरीले जनाएको छ।
