काठमाडौँ / तनहुँकी भानु नगरपालिका-७ की सोविता नेपालीलाई प्रहरीले विमानस्थलबाट पक्राउ गरेको छ ।
गोली बोकेर जापान जान लागेकी नेपाली त्रिभुवन अन्तराष्ट्रिय विमानस्थलबाट पक्राउ परेकी हुन् । विमानस्थल सुरक्षा प्रहरीका एसएसपी भीम ढकालका अनुसार नेपाली आइतबार राती नेपाल एयरलाइन्सको उडानबाट जापानको नारिता जान लागेकी थिइन् ।
विमानस्थलमा चेकजाँचका क्रममा उनको झोलाबाट प्रहरीले १ राउन्ड गोली फेला पारे लगत्तै उनलाई पक्राउ गरिएको थियो । घटनाबारे थप अनुसन्धान भइरहेको एसएसपी ढकालले जानकारी बताए ।
