झापा / झापाको बिर्तामोडमा आइतबार राती ट्रकको ठक्करबाट एकको मृत्यु भएको छ । बिर्तामोडको राम चोकमा भएको दुर्घटनामा बिर्तामोड–२ का २९ वर्षीय सम्यम बजगाईँको मृत्यु भएको हो ।
पूर्वपश्चिम राजमार्गमा पश्चिमबाट पूर्वतर्फ आउँदै गरेको ना ६ ख ६४५५ न। को ट्रकले विपरीत दिशाबाट जाँदै गरेको बा १५ प ८२०२ नम्बरको मोटरसाइकललाई ठक्कर दिएको जिल्ला प्रहरी कार्यालय झापाका प्रवक्ता प्रहरी नायब उपरीक्षक वसन्त पाठकले जानकारी दिएका छन् ।
दुर्घटनामा गम्भीर घाइते भएका बजगाईँको बिर्तामोडस्थित बीएण्डसी अस्पतालमा उपचारको क्रममा मृत्यु भएको थियो । मोटरसाइकल र ट्रक इलाका प्रहरी कार्यालय अनारमनीको नियन्त्रणमा रहेको छ भने ट्रक चालक फरार भएकाले खोजी भइरहेको समेत प्रहरीले जनाएको छ ।
