भक्तपुर / महानगरीय प्रहरी परिसर भक्तपुरले जुवातास खेलिरहेको अवस्थामा ११ जनालाई पक्राउ गरेको छ।
चाँगुनारायण नगरपालिका - २ दुवाकोट फोक्सिङटारमा डेरा लिएर बसेका दोलखा मेलुङ गाउँपालिका ६ घर भएका ४१ वर्षीय दिपेश भण्डारीको कोठामा तास खेलिरहेको अवस्थामा भण्डारी लगायत ११ जनालाई बिहीबार दिउँसो प्रहरीले पक्राउ गरेको छ ।
भण्डारीको कोठामा जुवातास खेलिरहेको खबर प्राप्त भएपछि महानगरीय प्रहरी परिसर भक्तपुरबाट परिचालन गरेको प्रहरीले उनीहरुलाई नगद २४ हजार २ सय ४० रुपैयाँ र ३ बुक तास सहित पक्राउ गरेको हो ।
घटनाबारे थप अनुसन्धान भईरहेको प्रहरीले जानकारी दिएको छ ।
