धनगढी / दार्चुलामा पहिरोले घर पुरिँदा तीन जनाको मृत्यु भएको छ । मृत्यु हुनेमा गाउँपालिका –३ खारका लक्ष्मण सितौली, गेउली ठगुन्ना र उनकी ३ महिनाकी नातिनी मन्जरी ठगुन्ना रहेका छन् ।
उनीहरु तीनै जनाको शव पहिरोबाट निकालिएको छ । पहिरोमा परेर नौगढ गाउँपालिका –३ कै हरमती ठगुन्ना सामान्य घाइते भएको जिल्ला प्रहरी कार्यालय दार्चुलाका प्रमुख, प्रहरी नायब उपरीक्षक (डिएसपी) मनोहर भट्टले जानकारी दिए ।
