काठमाण्डौ / सशस्त्र प्रहरीका दुई बरिष्ठ उपरीक्षक (एसएसपी) सशस्त्र प्रहरी नायब महानिरीक्षक (डीआईजी) पदमा बढुवा हुने भएका छन् । एसएसपीद्वय कालिदास धौवजी र कुमार न्यौपानेलाई सशस्त्र प्रहरीको बढुवा समितिले रिक्त दुई डीआईजीमा बढुवाका लागि सिफारिस गरेको छ ।
मंगलबार बसेको समितिको बैठकले सिफारिसको निर्णय गर्दै बढुवाबारे कुनै उजुरी भए ७ दिनभित्रमा समितिमा दिन समितिका सदस्य सचिव सशस्त्रका प्रहरी अतिरिक्त महा निरीक्षक रामशरण पौडेलले सूचना जारी गरेका छन् ।
यसअघि बढुवाका लागि तीन दिनभित्रमा आवेदन दिन भनिएको थियो। नेपाल प्रहरीको प्राविधिक प्रहरी नायब निरीक्षकबाट सशस्त्रमा प्रवेश गरेका उनीहरु वरीयतामा अगाडि थिए। सशस्त्र प्रवेश गरेसँगै उनीहरु गैरप्राविधिक बनेका हुन् ।
