बिर्तामोड / जल तथा मौसम पूर्वानुमान महाशाखाले आज देशका केही स्थानमा मेघ गर्जनसहित भारी वर्षाको सम्भावना रहेको जनाएको छ ।
हाल देशमा मनसुनी वायुको प्रभाव रहेकाले केही स्थानमा भरी वर्षा हुन सक्ने महाशाखाले पूर्वानुमान गरेको छ ।
महाशाखाले दिएको जानकारी अनुसार कर्णाली तथा सुदूर पश्चिम प्रदेशमा आंशिक देखि सामान्य बदली रहि देशका बाँकी भु – भागहरूमा सामान्य देखि पूर्ण बदली रहनेछ ।
प्रदेश १, प्रदेश २, बागमती प्रदेश, गण्डकी प्रदेश र लुम्बिनी प्रदेशका केही स्थानमा तथा कर्णाली र सुदूरपश्चिम प्रदेशका थोरै स्थानहरूमा हल्का देखि मध्यम वर्षाको सम्भावना रहेको महाशाखाले जनाएको छ ।
