धनुष / धनुषामा मोटरसाइकल दुर्घटना हुँदा बटेश्वर गाउँपालिका वडा नम्बर २ बस्ने एक युवकको मृत्यु भएको छ । रातिको समयमा अर्जुन भनिने दलबहादुर आलेको मोटरसाइकल अनियन्त्रित भई दुर्घटना हुँदा मृत्यु भएको प्रहरी चौकी बटेश्वरले जनाएको हो ।
आइतबार राति ११ बजेको समयमा बटेश्वर गाउँपालिका वडा नम्बर ४ स्थित डाँडा टोलबाट घर फर्किने क्रममा आफैले चलाएको बा ५२ प ४२८३ नम्बरको मोटरसाइकल रमौली टोल र पाटो टोलको बीचमा दुर्घटना भएको थियो । अत्यधिक मादक पदार्थ सेवन गरेर मोटरसाइकल चलाउँदा आलेको दुर्घटना भएको प्रहरीले जनाएको छ । दुर्घटनामा गम्भीर घाइते भएका युवक आलेको प्रादेशिक अस्पताल जनकपुरधाममा उपचारको क्रममा मृत्यु भएको धनुषा प्रहरीले जनाएको छ ।
