सुनसरी / धरान ११ नगरकोटबाट लागूऔषध सहित प्रहरीले एक जनालाई पक्राउ गरेको छ। पक्राउ पर्नेमा कोठा भाडामा बस्दै आएका सप्तरीका सत्यम दास रहेका छन्।
शनिबार दिउसो साढे १२ बजे विशेष सूचनाको आधारमा इलाका प्रहरी कार्यालय धरानबाट खटिएको प्रहरी टोलीले दासको कोठामा लुकाइछिपाइ राखेको प्रतिबन्धित औषधी सेटाडोल ३९० क्याप्सुल र स्पासपेन ३९० क्याप्सुल फेला पारेको थियो।
सप्तरी जिल्लाको अग्नीसर कृष्णसरवन –४ घर भई दास हाल धरानमा कोठा भाडामा बस्दै आएका थिए।
