बिर्तामोड / झापा, मोरङ र सुनसरीका तिन छुट्टाछुट्टै स्थानबाट लागूऔषध सहित प्रहरीले ६ जनालाई पक्राउ गरेको छ ।
मोरङको बेलबारी नगरपालिका –१ हटिया लाइनबाट ४ जना, झापाको मेचीनगर नगरपालिका –६ बाट १ जना र सुनसरीको लौकहीबाट १ जना पक्राउ परेका हुन् ।
इलाका प्रहरी कार्यालय बेलवारीबाट खटिएको प्रहरी टोलीले मंगलबार दिउँसो बेलबारी नगरपालिका –१ का २५ वर्षीय रिकल कोइराला, २४ वर्षीय केशव गुरुङ, २७ वर्षीय विशाल गुरुङ र ३५ वर्षीय सुरज गुरुङलाई डाइज्ल्याब १७ एम्पुल, फेनेर्गन १७ एम्पुल, एभिल १७ एम्पुल र लुपिगेसिक १७ एम्पुल सहित पक्राउ गरेको हो ।
यसैगरी इलाका प्रहरी कार्यालय काँकडभिट्टाबाट खटिएको प्रहरी टोलीले आज बिहान ४ बजे, ३ ग्राम ब्राउनसुगर सहित मेचीनगर नगरपालिका –६ का २७ वर्षीय देवेन्द्र थापालाई पक्राउ गरेको हो ।
यस्तै इलाका प्रहरी कार्यालय लौकहीबाट खटिएको प्रहरी टोलीले धरान उप –महानगरपालिका –१२ घर भई इटहरी बस्दै आएका ४२ वर्षीय दुधिर श्रेष्ठलाई २० बोतल डाईलक्स डि.सी. सहित कोशी गाउँपालिका –१ बाट पक्राउ गरेको हो ।
