महोत्तरी / स्रोत नखुलेको करिव ४० लाख रुपैंया
सहित प्रहरीले महोत्तरीको विग्ही नदीको
पुलबाट मंगलबार एक युवकलाई पक्राउ गरेको छ ।
मटिहानी–जनकपुर
सडक खण्डमा पर्ने पुलबाट पक्राउ पर्नेमा धनुषाको मुसरनियाँ गाउँपालिका–१ का ३८ वर्षीय संजयकुमार साह रहेका
छन् । पक्राउ परेका साह सुनचाँदी कारोवारी भएको प्रहरीले जनाएको छ ।
साह पक्राउ परेको पुष्टि गर्दै जिल्ला प्रहरी
कार्यालय महोत्तरीका प्रमुख प्रहरी उपरिक्षक दिनेशकुमार आचार्यले साह जनकपुरमा
धनलक्ष्मी ज्वेलर्सका संचालक भएको जानकारी गराएका छन् । उनले पक्राउ पर्नेको
साथबाट ३९ लाख ८० रुपैंया बरामद भएको बताएका छन् ।
साह हुण्डी कारोवारी भएको र उनको साथबाट बरामद
रकम हुण्डी कारोवारमा प्रयोग भएको सुचनाको आधारमा पक्राउ गरि छानविन थालिएको
आचार्यले जानकारी गराएका छन् ।
