काठमाडौं / मेलम्चीको बाढीमा होटलको छतमा फसेर दुई जनालाई नेपाली सेनाले उद्धार गरेको छ। बुधबार बिहान मेलम्ची बजारको रोज होटलको छतबाट उनीहरूलाई सेनाले हेलिकप्टरमार्फत् उद्धार गरेको हो।
मंगलबार आएको बाढीले वरिपरिबाट होटललाई घेरे पछि उनीहरू उक्त होटलको छतमा गएका थिए । बाहिर निस्कन नसकेपछि उनीहरू होटलकै छतमा फसेका हुन् ।
सिन्धुपाल्चोकका प्रमुख जिल्ला अधिकारी अरूण पोखरेलले बाढीमा फसेकाहरूको उद्धार गर्न नेपाली सेनाको हेलिकप्टर परिचालन गरिएको बताए।
यस्तै सिन्धुपाल्चोकको हेलम्बु गाउँपालिकामा बाढीले ७ जनाको मृत्यु भएको छ। बाढीले मेलम्ची बजारका घर तथा पुलहरूमा पनि क्षति पुर्याएको छ।
