पोखरा । पोखरा ११ मा बुधबार राति कार पार्किङ गर्ने क्रममा खोल्सामा खस्दा २ जना घाइते भएका छन् ।राति पौने ८ बजेको समयमा पोखरा ११, मेडिपल्स हस्पिटल पछाडि पार्किङमा ग २ च ८१३८ नम्बरको कार ब्याक गरी पार्किङ गर्नेक्रममा पोखरा ८ सिमलचौरका ४० वर्षीय लोकेन्द्र आचार्य र उनकी ४ वर्षीया छोरी शीतल खोल्सामा खसेका हुन् ।करिब २० मिटर तल खोल्सामा एक्कासि खसेपछि वडा प्रहरी कार्यालय रामबजार र स्थानीयको सहयोगमा उनीहरुको सकुशल उद्धार गरिएको छ । कार भने निकाल्ने प्रयास भइरहेको जिल्ला प्रहरी कार्यालय कास्कीले जनाएको छ ।
काठमाडौं- साउदी अरबका लागि प्रश्तावित राजदुत नरेशविक्रम ढकालले आफू राजदुत नियुक्त भए नेपाल र आउदी अरबबिचको श्रम सम्झौता पुनरावलोकन गर्ने बताएका छन् । आज संसदीय सुनुवाई समितिको बैठकमा आफ्नो कार्ययोजना प्रश्तुत गर्दै साउदी अरबका लागि प्रश्तावित राजदुत ढकालले आफू नियुक्त भए नेपाल र साउदी अरबका बीचमा भएको सम्झौता पुनरावलोकन गर्ने बताएका हुन् । उनले त्यसका लागि मस्यौदा समेत तयार भइसकेको अवस्था रहेको भन्दै मस्यौदालाई अन्तिम रुप दिएर सम्झौता पुनरावलोकन गर्न भुमिका खेल्ने बताए । साउदी अरबमा रहेका ४ लाख नेपालीहरुले पुरानै स्केल अनुसार काम गरिरहनु परेको अवस्था रहेकाले बजारको नयाँ अवस्था अ
काठमाडौं- रूसका लागि प्रश्तावित राजदुत प्रा.डा.जंगबहादुर चौहानले रुसी सेनामा भर्ती भएका नेपालीहरुलाई नेपाल फर्काउन तिब्रताका साथ पहल गर्ने बताएका छन् । संसदीय सुनुवाई समितिको आजको बैठकमा आफ्नो कार्ययोजना प्रश्तुत गर्दै चौहानले रुसी सेनामा भर्ती भएका नेपालीहरुलाई स्वदेश फर्काउन तिब्रताका साथ पहल गर्ने बताएका हुन् । आफ्ना नागरिकहरुलाई स्वदेश फर्काउनु सरकारको जिम्मेवारी भएको भन्दै सरकारले पहल पनि गरिराखेको उनले बताए । उनले आफूसँग रुसी भाषाको ज्ञान भएको र रुसी नागरिकहरुसँग परिचय समेत भएको भन्दै नेपालीलाई स्वदेश फर्काउने काममा सहज हुने जिकिर गरे । नेपाली नागरिक विचौलिया मार्फत व
काठमाडौं- दक्षिण कोरियाका लागि प्रश्तावित राजदुत डा. शिवमाया तुम्वाहाङ्फेले कृषि उत्पादनका लागि आवश्यक कारखाना, मल उत्पादन एवं सूचना प्रविधिमा लगानी भित्र्याउन पहल गर्ने बताएकी छन् । आज संसदीय सुनुवाई समितिको बैठकमा आफ्नो कार्ययोजना प्रश्तुत गर्दै उनले दक्षिण कोरियाबाट कृषि उत्पादनका लागि आवश्यक कारखाना, मल उत्पादन एवं सूचना प्रविधिमा लगानीका लागि अधिकतम पहल गर्ने बताएकी हुन् । त्यस्तै, चक्रपथसहित सडक निर्माण, ठूला पूर्वाधार लगायत विभिन्न निर्माण कार्यको लागि प्रस्ताव गर्ने भन्दै उनले फोहोर व्यवस्थापन, अर्गानिक मल उत्पादन कारखाना खोल्ने लगायतका विषयमा पनि सहयोग प्रस्ताव गर्ने उल्लेख
काठमाडौं–टोखा नगरपालिका–९ दिपज्योतीस्थित होटल शुभयात्रा गेष्टहाउसमा जुवातास खेलिरहेको अवस्थामा २५ वर्षीय राज कुमार लामासहित ९ जनालाई मंगलबार साँझ प्रहरीले पक्राउ गरेको छ । प्रहरीले नगद २ लाख ८२ हजार ५ सय रूपैयाँ‚ ६ बुक तास र १२ थान मोबाइलसहित उनीहरूलाई पक्राउ गरेको हो । प्रहरीका अनुसार यस घटनाबारे आवश्यक अनुसन्धान भइरहेको छ ।
काठमाडौं–वैदेशिक रोजगारको आकर्षक तलबको प्रलोभनमा पारेर न्युजिल्याण्ड र उज्वेकिस्तानमा पठाइदिन्छु भन्दै रकम ठगी गरेको आरोपमा २ जनालाई प्रहरीले पक्राउ गरेको छ ।पक्राउ पर्नेहरूमा काभ्रेपलाञ्चोक रोशी गाउँपालिका–६ का ३२ वर्षीय बुद्ध लामा र बर्दिया गेरूवा गाउँपालिका–२ का ४३ वर्षीय मान बहादुर चौधरी छन् । बुद्धले ७ जना पीडितबाट १० लाख र मान बहादुरले ६ जना पीडितबाट १२ लाख ५० हजार रूपैयाँ ठगी गरेर सम्पर्क विहीन भएका थिए । प्रहरीले उनीहरूलाई काठमाडौं उपत्यका अपराध अनुसन्धान कार्यालय टेकुबाट बुद्धलाई धुलिखेल र मान बहादुरलाई गोंगबुबाट पक्राउ गरेको हो ।उनीहरूलाई आवश्यक अनुसन्धान र कारबाहीको लागि वैदेशि
काठमाडौं–सार्वजनिक बिदा भएको भन्दै गलत सूचना फैलाएको आरोपमा प्रहरीले एक जनालाई नियन्त्रणमा लिएको छ । चितवनका एसपी भावेश रिमालले सोधपुछ भइरहेको जानकारी दिँदै‚ थप विवरण पुष्टि गर्नुपर्ने भएकाले व्यक्ति विशेषको विवरण सार्वजनिक गर्न नसकिने बताए । आज १९ भदौमा गृहमन्त्रालयको लेटरहेडबाट पुरानो सूचनामा मिति परिवर्तन गरेर सार्वजनिक बिदा भएको भन्दै भ्रम फैलाइएको थियो । गलत सूचना फैलाएपछि प्रहरीको साइबर ब्यूरोले पनि खोजी गरिरहेको छ।
काठमाडौं–इलामको फाल्गुनन्द सुकिलुम्बा विमानस्थल तीन महिनापछि बिहीबारदेखि पुनः सञ्चालनमा आउने भएको छ । बर्खा सुरु भएसँगै खराब मौसमका कारण बन्द भएको विमानस्थलमा हवाई उडान पुनः सुरु हुन लागेको हो । इलामका स्टेसन इन्चार्ज दिनेश सुन्दासले विमानस्थलबाट साताको प्रत्येक बिहीबार उडान हुने जानकारी गराए ।गत जेठ १३ गते नेपाल एयरलाइन्सको जहाजले अन्तिम उडान भरेयता उडान हुन सकेको थिएन । त्यसपछि‚ जेठ १७ गते उडेको जहाज अवतरण गर्न नसकेर पुनः काठमाडौं फर्केको थियो । अब भने हरेक बिहीबार उडान हुने बताइएको छ ।
नेकपा माओवादीले १० वर्षसम्म गरेको सशस्त्र जनयुद्धलाई हेर्ने दुष्टिकोणबारे केही दिनयता चर्को बहस भइरहेको छ । २०५२ फागुन १ गते शुरु भएर ०६३ मंसिर ५ गते विस्तृत शान्ति सम्झौता मार्फत अन्त्य भएको जनयुद्धका विषयमा यतिबेला राष्ट्रिय स्तरमै बहस शुरु भएको हो ।माओवादी आन्दोलनलाई अवमूल्यन गर्नेहरु जनयुद्धलाई ‘हिंसा’ भन्छन् भने व्यवस्था परिवर्तनका लागि आन्दोलनमा सहभागी भएका र परिवर्तन पक्षधरहरु माओवादी सशस्त्र आन्दोलनलाई ‘महान जनयुद्ध’ भन्छन् । शुरुदेखि नै माओवादीप्रति आलोचनात्मक धारणा राख्ने एमाले अध्यक्ष एवम् प्रधानमन्त्री केपी शर्मा ओली एमाले र
काठमाण्डौ । देशभर मनसुनी वायुको प्रभाव रहेको छ। मनसुनको न्यून चापीय रेखा पश्चिमतिर सरदर स्थानको आसपास र पूर्वतिर सरदर स्थानको दक्षिणतिर अवस्थित रहेको छ । हाल देशभर आंशीक देखि साधारणतया बदली रहेको छ। बाग्मती प्रदेशका थोरै स्थानहरुमा हल्का देखि मध्यम वर्षा भइरहेको छ। कोशी, गण्डकी र लुम्बिनी प्रदेशका एक\दुई स्थानमा हल्का देखि मध्यम वर्षा भइरहेको छ।आज दिउँसो देशभर आंशिक देखि साधारणतया बदली रहने छ। कोशी, मधेश, बागमती र गण्डकी प्रदेशका केही स्थानहरूमा तथा बाँकी प्रदेशको थोरै स्थानहरूमा मेघ गर्जन\चट्याङ्ग सहित हल्का देखि मध्यम वर्षाको सम्भावना रहेको छ। कोशी प्रदेशका थोरै तथा बागमती गण्डकी
Copyright © 2021 / 2024 / Esoul Media (P) Ltd. / All Rights Reserved.
