काठमाडौं / सरकारले स्थानीय तहमार्फत विद्युतीय चुल्हो अनुदानमा उपलब्ध गराउने भएको छ। अर्थमन्त्री जनार्दन शर्माले आर्थिक वर्ष २०७९/८० को बजेट प्रस्तुत गर्दै स्थानीय तह मार्फत एक परिवारलाई एक विद्युतीय चुल्हो अनुदानमा वितरण गरिने बताए।यसैगरी विद्युतको पहुँच बाहिर रहेका परिवारका लागि धुँवामुक्त बनाउन सुधारिएको चुल्हो बनाउन सहयोग गर्ने उल्लेख छ। विद्युत खपत बढाउन इन्डक्सन चुल्हो अनुदानमा उपलब्ध गराउन लागिएको हो।
काठमाडौँ / गौतमबुद्ध अन्तर्राष्ट्रिय क्रिकेट रङ्गशाला निर्माणका लागि सरकारले बजेट विनियोजन गरेको छ । आगामी आर्थिक वर्षको बजेट भाषण गर्दै अर्थमन्त्री जनार्दन शर्माले सो जानकारी दिएका हुन् ।यसअघि धुर्मुस सुन्तली फाउन्डेसनले निर्माण गर्ने भनिएको रङ्गशाला आर्थिक अभाव हुँदा सरकारले स्वामित्व लिएको हो ।
काठमाडौँ / सरकारले शिक्षा क्षेत्रका लागि ७० अर्ब ५ करोड रकम छुट्याएको छ । अर्थमन्त्री जनार्दन शर्माले बजेट वक्तव्यमार्फत उक्त रकम विनियोजन गरेको जानकारी दिएका हुन् । त्यस्तै सरकारले शिक्षा क्षेत्रतर्फ प्रदेशमा ५ अर्ब ३२ करोड र स्थानीय तहतर्फ १ खर्ब २१ अर्ब १ करोड हस्तान्तरण गरेको छ ।
बिर्तामोड / सर्वोच्च अदालतले बिहीबार निजगढमा अन्तर्राष्ट्रिय विमानस्थल निर्माण नगर्न फैसला गरेको समयमा सरकारले भने बजेटमा नै विमानस्थल निर्माणका लागि योजना ल्याएको छ । अर्थमन्त्री जनार्दन शर्माले आर्थिक वर्ष २०७९/०८० को बजेटमा निजगढ विमानस्थल पुनर्निर्माणको लागि ढाँचा निर्माण गरी लगानी बोर्ड नेपालमार्फत आयोजना विकास कार्य अगाडि बढाइने बताएका छन् । अर्थमन्त्री जनार्दन शर्माले बजेट भाषणका क्रममा उक्त विमानस्थल निर्माणको ढाँचा निर्माण गर्ने बताएका हुन् । पर्यावरणीय दृष्टिकोणले बढी क्षति पुग्ने भएकाले उक्त विमानस्थल निर्माणको सबै काम रोक्न र अर्को विकल्प खोज्न परमादेश
काठमाडौं / सरकारले स्थानीय तहमा निर्माणाधीन ६५५ अस्पतालका लागि १० अर्ब रुपैयाँ विनियोजन गरेको छ । ती अस्पतालको निर्माण सम्पन्न आगामी आ व मा गर्ने घोषणा अर्थमन्त्री जनार्दन शर्माले गरेका छन् ।अर्थमन्त्री शर्माले पुराना जीर्ण अवस्थामा रहेका अस्पताल भवनको समेत स्तरोन्नति गरिने जानकारी गराए ।अर्थमन्त्री शर्माका अनुसार ज्येष्ठ नागरिकलाई विशिष्टीकृत स्वास्थ्य सेवा प्रदान गर्न २० वटा अस्पतालमा ज्येष्ठ नागरिक वार्ड सञ्चालनमा ल्याइने भएको छ ।
काठमाडौँ / सरकारले आगामी आर्थिक वर्ष प्रधानमन्त्री कृषि परियोजनाको लागि ५ अर्ब ९० करोड विनियोजन गरेको छ । आगामी आर्थिक वर्ष २०७९/८० को बजेट प्रस्तुत गर्दै अर्थमन्त्री जनार्दन शर्माले प्रधानमन्त्री आधुनिकीकरण परियोजनाको लागि ५ अर्ब ९० करोड विनियोजन गरिएको बताएका हुन् ।
काठमाडौँ / नेपालमै उत्पादन सम्भावना भएका उद्योगबाट उत्पादित वस्तुको खपतमा जोड दिइने समेत अर्थमन्त्री जनार्दन शर्माले बताए । यसैगरी, उच्च निर्यात सम्भावना भएका सिमेन्ट, फुटवेयर र खानेपानी जस्ता वस्तुको निर्यात प्रबर्द्धन गरिने छ । यस्ता वस्तुको निर्यातमा ८ प्रतिशतसम्म अनुदान दिने व्यवस्था गरिएको छ । मासिक १० करोडभन्दा बढी विद्युत खपत गर्ने उद्योगलाई २ प्रतिशतसम्म छुट दिइने व्यवस्था बजेटले गरेको छ ।
झापा / कैलालीको धनगढी उपमहानगरपालिका- ३ स्थित मोहना नदीमा डुबेर दुई बालकको आज मृत्यु भएको छ ।मृत्यु हुनेमा सोही वडाका १० वर्षीय अनुप चौधरी र १२ वर्षीय विष्णु गुप्ता रहेको जिल्ला प्रहरी कार्यालयका प्रहरी नायब उपरीक्षक बेदप्रकाश जोशीले जानकारी दिए । चटकपुर - राजघाट जोड्ने पुलको मुनतिर नदीमा नुहाउने क्रममा डुबेर दुवै बालकको मृत्यु भएको बताइएको छ ।
बिर्तामोड / मोरङको बेलबारी नगरपालिका - १० मा पूर्व पश्चिम राजमार्गमा रोकी रहेको ट्रयाक्टरमा मोटरसाइकल ठोक्किँदा २ जनाको मृत्यु भएको छ । मृत्यु हुनेमा सुन्दरहरैचा नगरपालिका- ११ मोरङका २३ वर्षीय अनिल चौधरी र २४ बर्षीय राजेश धिमाल रहेको प्रहरीले जनाएको छ । शनिबार बेलुका सवा ७ बजे पूर्व तर्फ जाँदै गरेको प्रदेश १-०१-००१ ख ३८८७ नम्बरको बस, सडकमा रोकी राखेको को २ त ८५५९ नम्बरको ट्रयाक्टरमा पूर्वबाट पश्चिम तर्फ आँउदै गरेको को १० प ३५९९ नम्बरको मोटरसाइकल ठक्कर लागि दुर्घटना भएको हो । घाइतेहरूलाई तत्काल उपचारको लागि विराटनगर स्थित कोशी अस्पताल लगिएकोमा चौधरीको अस्पताल पुर्याउना साथ मृत्यु भए
काठमाडौँ / सम्पर्कविहीन भएको तारा एयरको विमानका क्याप्टेनको मोबाइलमा घण्टी गइरहेको पाइएको छ । त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुरले क्याप्टेन प्रभाकर घिमिरेलाई सम्पर्क गर्दा उनको मोबाइलमा घण्टी गइरहेको बताए । ठाकुरले भने, ‘पाइलटको मोबाइलमा घण्टी गइरहेको छ । एनटिसीबाट ट्रयाक गर्दा मोबाइलको लोकेसन लेते भनेर देखाएको छ, त्यसैले हामीले त्यतैतिर खोजी केन्द्रित गरिरहेका छौं ।’नागरिक उड्डयन प्राधिकरणका अधिकारीहरूले मुस्ताङको टिटी लेक वरपर तारा एयरको जहाजको खोजी केन्द्रित गरिएको जनाएका छन् ।
Copyright © 2021 / 2024 / Esoul Media (P) Ltd. / All Rights Reserved.
