भरतपुर / स्थानीय तह निर्वाचन नजिकिएसँगैसत्तारुढ पाँच दलले आज चितवनको भरतपुर महानगरपालिकामा संयुक्त चुनावी सभा गर्दैछन् । बिहीबार (आज) मध्यान्ह १२ गते हुने संयुक्त आमसभामा गठबन्धनका शीर्ष नेताले सम्बोधन गर्ने छन् ।भरतपुरको हाकिम चोकस्थित बसपार्कमा हुने सभालाई प्रधानमन्त्री एवं नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’, एकीकृत नेकपा समाजवादीका अध्यक्ष माधवकुमार नेपाल, कांग्रेसका वरिष्ठ नेता रामचन्द्र पौडेल, महामन्त्री गगन थापालगायतका नेताहरूले सम्बोधन गर्ने नेकपा माओवादी केन्द्र चितवनका जिल्ला संयोजक रामचन्द्र अधिकारीले जानकारी दिए ।&
काठमाडौँ / प्रधानमन्त्री शेरबहादुर देउवा विरुद्ध निर्वाचन आचारसंहिता उलङ्घन गरेको आरोपमा प्रमुख निर्वाचन अधिकृतको कार्यालय भरतपुर चितवनमा उजुरी परेको छ। भरतपुर महानगरपालिका –१० चितवनकी सुनिता अधिकारीले निर्वाचन आचारसंहिताको दफा ५ विपरित बैशाख २२ गते (बिहीबार) चितवनको भरतपुरमा हुने भनिएको चुनावी सभामा सम्बोधन गर्न आउन लागेको भन्दै उजुरी दिएकी हुन्।अधिकारीले आचारसंहिता विपरित हुन लागेको उक्त कार्यक्रम स्थगित गरी आचारसंहिता विपरीतको काम भएमा सजाय गरी पाँउ भनी प्रधानमन्त्री देउवाको नाममा उजुरी दिएकी प्रमुख निर्वाचन अधिकृत कार्यालयका प्रवक्ता पुरुषोत्तम पौडेलले जानकारी दिए । आसन्न स्थानी
बिर्तामोड / विवेकशील साझा पार्टीकी पूर्व नेतृ रञ्जु दर्शना वैवाहिक जीवनमा बाँधिएकी छिन् । उनी बुधबार काठमाडौंका किशु कुइँकेलसँग वैवाहिक जीवनमा बाँधिएकी हुन् । दर्शनाले ६ फागुन २०७८ मा किसुसँग ‘इन्गेजमेन्ट’ गरेकी थिइन् ।
चितवन / चितवनको रत्ननगरमा सत्ता गठबन्धनले भागबन्डा मिलाउन वडाध्यक्ष उम्मेदवारको टिकट खोसेपछि कांग्रेस कार्यकर्ताले पार्टी कार्यालयमा तोडफोड गरेका छन् । कांग्रेस नगर सचिवसमेत रहेकी वडा नम्बर १२ की उम्मेदवार अनिता अर्यालको टिकट खोसेर माओवादी केन्द्रलाई दिएपछि कांग्रेस कार्यकर्ताहरूले पार्टीको वडा कार्यालय तोडफोड गरेका हुन् ।कांग्रेस कार्यकर्ताहरूले पार्टी कार्यालय तोडफोड गरी कार्यालयमा रहेका कुर्ची टेबल तथा पार्टीको झण्डा सडकमा फ्याँकेका छन् । कांग्रेसले नगर सचिव समेत रहेकी अर्याल वडाध्यक्षको उम्मेदवार बनेर चुनाव प्रचारप्रसारको अन्तिम चरणमा पुगेका बेलामा उनको टिकट खोसिएको थियो । अ
काठमाडौँ / निर्वाचनको मुखमा नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका विद्रोही नेताहरूको भेलाले नेत्रविक्रम चन्द (विप्लव) लाई पार्टीबाट निष्कासन गरेको छ । धर्मेन्द्र बास्तोला र हेमन्तप्रकाश वली ‘सुदर्शन’ पक्षको बुधवार चितवनमा भएको भएको भेलाले विप्लवलाई महासचिवबाट निष्कासन गरेको हो ।राष्ट्रिय भेला सुरु हुने बित्तिकै नेकपाका सल्लाहकार अध्यक्ष इश्वरी दाहाल ‘असारे काका’ले पार्टीको महासचिवबाट विप्लवलाई निष्कासित गर्ने प्रस्ताव पेश गरेका थिए । उक्त प्रस्ताव बहुमतले स्वीकृत भएको छ । भेलाले धर्मेन्द्र बास्तोलालाई संयोजक तोकेको नेकपाका केन्द्रीय सदस्य गुणराज लोहनीले ज
सिराहा / सिराहामा जनता समाजवादी पार्टी (जसपा) नेपालका केन्द्रीय कार्यकारिणी सदस्य तथा केन्द्रीय पार्टी कार्यालय सचिव प्रकाश अधिकारीमाथि आक्रमण भएको छ।उनीमाथि पूर्व–पश्चिम राजमार्गअन्तर्गत सिराहा र मिर्चैया नगरपालिकाको सीमानामा पर्ने घुर्मी खोला पुल नजिक मंगलबार राति अज्ञात समूहले आक्रमण गरेको हो ।आक्रमणबाट उनी सामान्य घाइते भएका इलाका प्रहरी कार्यालय मिर्चैयाका प्रहरी नायब उपरीक्षक (डिएसपी) हरि वलीले जानकारी दिए । अधिकारीलाई कसले किन आक्रमण गरेको भन्ने विषयमा अनुसन्धान भइरहेको प्रहरीले बताएको छ ।
गैंडाकोट / पूर्वी नवलपरासीको हुप्सेकोट गाउँपालिका वडा नं १ मा नेपाली कांग्रेस र नेकपा एमालेका कार्यकर्ताहरुबीच भएको झडपमा परि दुवैतर्फका ६ जना घाइते भएका छन् । चुनाव प्रचारमा नेपाली कांग्रेसकी उम्मेदवार लक्ष्मी देवी पाण्डेले प्रयोग गरेको गाडीसमेत तोडफोड भएको छ । प्रहरीका अनुसार झडपमा परि घाइते चार जनालाई उपचारको लागि चितवनको भरतपुर रिफर गरिएको छ ।
झापा / निर्वाचन आयोगले वैशाख ३० गते हुने स्थानीय तह निर्वाचनमा सहभागी हुने उम्मेदवारको सूची सार्वजनिक गरेको छ । आयोगले स्थानीय निर्वाचनका लागि मनोनयन दर्ता गराएका १ लाख ४५ हजार ९२ जना उम्मेदवारहरूको सूची सार्वजनिक गरेको हो । केही स्थानमा निर्वाचनको संशोधित कार्यक्रम गर्नुपर्ने, केही स्थानमा इन्टरनेटको समस्या, केही स्थानमा विद्युतको समस्या जस्ता कारणले सूची सार्वजनिक गर्नमा ढिलाइ भएको आयोगले जनाएको छ । झण्डै ८ हजार जनाले आफ्नो उम्मेदवारी फिर्ता लिएका थिए । भने केहीको उम्मेदवारी आयोगले नै खारेज गरिदिएको थियो । कानून अनुसार नपरेका उम्मेदवारी आयोगले खारेज गरिदिएको थियो ।
नेपालगन्ज / रुकुम पश्चिमको त्रिवेणी गाउँपालिका –१ मा माओवादी केन्द्रका आधिकारिक र बागी उम्मेदवारबीच झडप हुँदा ६ जना घाइते भएका छन् । मंगलबार बिहान माओवादीबाट उम्मेदवार बनेका लक्ष्मण ओली र बागी उम्मेदवार सुन्दर ओली पक्षधरबीच झडप भएको हो ।घाइते हुनेमा धर्मेन्द्र सुनार, जीवन पुन, टीकाजंग मल्ल, बलबहादुर पुन, चेतन केसी र यमबहादुर पुन छन् । प्रहरीका अनुसार घाइते मध्ये धर्मेन्द्र, जीवन र टीकाजंगको अवस्था भने गम्भीर रहेको छ । उनीहरूको नेपालगन्जस्थित कोहलपुर मेडिकल कलेजमा उपचार भइरहेको जिल्ला प्रहरी प्रमुख प्रहरी नायब उपरीक्षक विष्णुप्रसाद सोतीले जानकारी दिए ।सुन्दरले माओवादी केन्द्रबाट टिकट
झापा / प्रधानमन्त्री एवं नेपाली कांग्रेसका सभापति शेरबहादुर देउवा आज मोरङको विराटनगर आउँदैछन् । देउवा चुनावी सभालाई सम्बोधन गर्न विराटनगर आउँन लागेका हुन् । चुनावी सभालाई प्रधानमन्त्री देउवासँगै वरिष्ठ नेता रामचन्द्र पौडेल र महामन्त्री विश्वप्रकाश शर्मा लगायतले सम्बोधन गर्ने कार्यक्रम छ ।विराटनगर महानगरपालिकामा गठबन्धनबाट कांग्रेसका नागेश कोइराला मेयरका उम्मेदवार छन् । कांग्रेसले देशका प्रमुख १० सहरमा साताव्यापी चुनावी सभा आयोजना गर्दैछ । उक्त साताव्यापी चुनावी आमसभा कांग्रेसले विराटनगरबाट सुरु गर्न लागेको हो ।साताव्यापी चुनावी सभालाई सभापति देउवा, वरिष्ठ नेता रामचन्द्र पौडेल, महामन्
Copyright © 2021 / 2025 / Esoul Media (P) Ltd. / All Rights Reserved.
