काठमाण्डौ । नेपाल प्रहरीको रिक्त अतिरिक्त महानिरीक्षक (एआईजी)मा बढुवा गर्न डिआइजी ईश्वर कार्की सिफारिस भएका छन्।

शुक्रबार बसेको बढुवा सिफारिस समितिको बैठकले पहिलो नम्बरमा रहेका डिआइजी कार्कीलाई एआईजीमा बढुवा गर्न सिफारिस गरिएको हो। 
Screenshot_2025_1114_213229

प्रहरी नियमावली, २०७१ को नियम २७ को उपनियम (४) अनुसार बढुवा सिफारिस सूची प्रकाशित गरिएको प्रहरी प्रधान कार्यालयले जनाएको छ । हाल उनी कोसी प्रदेश प्रहरी कार्यालय विराटनगरमा कार्यरत छन् ।

सरकारले काठमाडौँ उपत्यका प्रमुख समेत रहेका दानबहादुर कार्कीलाई प्रहरी महानिरीक्षकमा नियुक्त गरेसँगै एआईजी पद रिक्त भएको थियो।