सुनकोशीमा कार खस्यो

सिन्धुली  । सिन्धुलीमा शनिबार आज गाडी दुर्घटना भएको छ । शनिबार बेलुका ०५:३० बजेको समयमा मध्य पहाडी लोकमार्गस्थित सिन्धुलीको गोलान्जोर गाउँपालिका १ कुुडुलेमा निजि गाडी आफैँ अनियन्त्रित भई सुनकोशी नदिमा खसेको जिल्ला प्रहरी कार्यालय सिन्धुलीका प्रमुख प्रहरी उपरिक्षक गोविन्दराज काफ्लेले जानकारी दिए ।

खोटाङको हलेसीबाट भक्तपुर जादैँ गरेको ४ जना सवार इसुजु कार सुनकोशीमा खसेको एसपी काफ्लेले बताएका छन । गाडिमा सवार मध्ये भक्तपुरको सुर्यविनायक नगरपालिका जगातीका २७ वर्षिय सुसान्त कक्षपति प्रहरीको सम्पर्कमा रहेको र उनी मध्यम घाईते भएका छन् । गाडीमा सवार चारैजना भक्तपुरको सुर्यविनायक नगरपालिका जगातिका बासिन्दा भन्ने खुल्न आएको छ । गाडीका चालक ३२ वर्षिय अबिन बके, ३० वर्षिय प्रनित हंयजु र ३७ वर्षिय बलराम घटुवा बेपत्ता छन् । गाडी देखिएको र निकाल्ने प्रयास भइरहेको एसपी काफ्लेले बताए ।

घट्नास्थलमा ग्वालटार प्रहरी चौकी, ईलाका प्रहरी कार्यालय खुर्कोट, जिल्ला प्रहरी कार्यालय सिन्धुली र शसस्त्र प्रहरी कार्यालय सिन्धुलीबाट बाट झण्डै ३५ जनाको प्रहरी टोली उद्धारमा खटिएको छ । 

सुनकोसी नदिमा खसेको गाडी घटनास्थलबाट ५० मिटर तल भेटियो, सिन्धुली प्रहरी नदिभित्र भेटीएको गाडी बाहिर निकाल्दै । बेपत्ताहरुको खोजि तीब्र ।