जनकपुरधाम / ऊर्जा, जलस्रोत तथा सिँचाइमन्त्री पम्फा भुसालले बिजुलीको महसुल
घटाउनुपर्ने खाँचो रहेको औल्याएकी छन् ।
नेकपा (माओवादी केन्द्र)
धनुषा शाखाद्वारा आज आयोजित सम्मान कार्यक्रममा उनले आफू २० युनिटसम्म बिजुली
निःशुल्क दिने पक्षमा रहेको र यसबाट एक करोडभन्दा अधिक जनता लाभान्वित हुने जानकारी
दिएकी छन् ।
अब बिजुली सस्तो बनाउने
योजना ल्याउनुपर्नेमा जोड़ दिँदै मन्त्री भुसालले निःशुल्क वा न्यूनतम महसुल
निर्धारण गरी गरिब जनताले पनि बिजुली उपभोग गर्न पाउने वातावरण निर्माण गर्न
आवश्यक रहेको बताएकी छन् ।
उनले आफ्नो दललाई दिगो
बनाउन जनताको आवश्यकता र आकाङ्क्षालाई ध्यान दिन आवश्यक रहेको बताएकी छन् ।
मन्त्री भुसालले कुनै पनि कार्यका लागि मन्त्रालय धाउने प्रवृत्तिलाई निरुत्साहित
गरी प्रक्रियागत ढङ्गले कार्य सम्पादन र पद्धतिको विकासलाई आत्मसात् गर्न जरूरी
रहेको बताएकी छन् ।
