गुल्मी / गुल्मीमा जिप दुर्घटना हुँदा तीन जनाको मृत्यु भएको छ।
शान्तिपुरबाट सदरमुकाम तम्घासका लागि छुटेको लु१ज –४५६५ नम्बरको जिप आज (बुधबार) बिहान साढे ११ बजेतिर गुल्मीको मुसिकोट नगरपालिका –४ स्थित दोभानमा दुर्घटना भएको हो ।
दुर्घटना हुँदा तीन जनाको घटनास्थलमै मृत्यु भएको जिल्ला प्रहरी कार्यालय गुल्मीका प्रमुख, प्रहरी उपरीक्षक (एसपी) गोपालचन्द्र भट्टराईले जानकारी दिए ।
दुर्घटनामा अरु सात जना घाइते भएका छन् । घाइतेमध्ये एकजनाको अवस्था गम्भीर रहेको एसपी भट्टराईले जानकारी दिए । उनीहरूलाई उपचारका लागि जिल्ला अस्पताल तम्घास ल्याइएको छ ।
