काठमाडौं / विलक्षण स्मरण शक्तिको दावी गरेर सामाजिक सञ्जाल मार्फत चर्चामा आएका विजय शाहीको मृत्यू भएको हल्ला असत्य प्रमाणित भएको छ । प्रहरीले शाहीलाई कालिकोटस्थित उनकै घरमा फेला पारेको छ ।
विजय शाही सामान्य विरामी भएर अस्पताल गएको र उनको मृत्यूको हल्ला झुटो भएको कालिकोट जिल्ला प्रहरी कार्यालयका डिएसपी चक्रबहादुर शाहले जानकारी दिएका छन्।
शाही महावै गाउँपालिका वडा नं. ५ स्थित आफ्नो घरमा आइसकेकाे शाहले जानकारी दिएका छन् । डिएसपी शाह भन्छन् ‘मैले विजय शाहीको गाउँमा प्रहरीलाई बुझ्न पठाएको थिएँ । उनीहरुले शाहीलाई घरमै भेटेको बताएका छन् । मृत्यूको हल्ला झूटो रहेछ'।
विजय शाहीका शिक्षक दिपकबहादुर शाहीले सुरुमा अस्पताल लैजाने क्रममा उनको निधन भएको भन्दै फोटो सहितको खबर फेसबुकमा हाले पछि त्यही पोष्टका आधारमा धेरैले विजय शाहीलाई श्रद्धाञ्जली दिईसकेका थिए । अहिले शाहीले आफ्नो पोष्ट फेसबुकबाट हटाइसकेका छन् ।
सामाजिक सञ्जालमा भाईरल गरिएको शाहीको तस्बिर
