वाग्मती / मकवानपुरगढी गाउँपालिका वडा न ६
स्थित डुम्रेकुनामा ६ करोड ५७ लाखका लागतमा १५ शैयाको अस्पताल निर्माण भइरहेको छ ।
पन्ध्र शैयाको अस्पताल सङ्घीय सरकारको आर्थिक सहयोगमा निर्माण जारी रहेको
गाउँपालिकाका इञ्जिनीयर सुवास अधिकारीले जानकारी दिएका छन् ।
अस्पताल बनाउन स्थानीयवासी नरबहादुर स्यागंतान तथा वीरबहादुर लुगङवाले नौ रोपनी जग्गा
प्रदान गरेका थिए । गाउँपालिकाले आर्थिक
वर्ष २०७८/०७९मा अस्पतालको निर्माण , संरक्षण तथा व्यवस्थापनका लागि ३० लाख बजेट विनियोजन गरेको
गाउँपालिका अध्यक्ष विदुर हुमागार्इंले जानकारी दिएका छन् ।
अस्पताल नहुँदा उपचारका लागि हेटौडा र चितवन
जानुपर्ने बाध्यता छ । गाउँपालिकाले
सुत्केरी भत्ताबापत पाँच हजार प्रदान गर्दै आएको छ । सङ्घीय सरकारले
सुत्केरी भत्ताबापत दुई हजार ८०० दिँदै आएकोमा गाउँपालिकाले सुत्केरी भत्तालाई
बढाएर पाँच हजार कायम गरेको अध्यक्ष हुमागाईंले जानकारी दिएका छन् ।
गाउँपालिकाले गर्भवतीका लागि घरदैलो सेवासमेत
प्रदान गरेको बताइएको छ ।
