सुपारीको अनौठो कारोवार : यस्तो छ सुपारी भित्र लुकेको अर्वौ रुपैंयाको खेल (भिडियो सहित )

चन्द्रमणि कट्टेल

बिर्तामोड / प्रधानमन्त्री केपी शर्मा ओलीको गृह जिल्ला यति बेला सुपारी कारोवारको अनौठो धन्धाका कारण फेरि चर्चामा आएको छ । लामो समय देखि सुपारी आयातमा सरकारले लगाएको बन्देज खुलाउने विषयलाई लिएर झापा अनि सुपारी कारोवार फेरि अनि यो वेला चर्चामा आएको हो । तेस्रो मुलुकबाट आएको सुपारीलाई नेपाली सुपारी बनाउँदै भारत निर्यात गर्ने धन्धाका कारण यो विषय चर्चा अनि बहसमा छ यतिखेर ।

यो धन्धासँगै प्रधानमन्त्री केपी शर्मा ओली , उनका आर्थिक सल्लाहकार मोती दुगड र उध्योग वाणिज्य तथा आपुर्ति मन्त्री लेखराज भट्ट समेत यो खेल अनि अनौठो लाग्ने यो कारोवार सँगै विवादमा तानिएका छन् । स्मरण रहोस जब जब भट्ट सत्तामा पुग्छन् त्यति बेला ओझेल अनि गुमनाम बनेको सुपारी कारोवार मौलाउन खोज्छ । किन भट्ट सत्तामा पुगेपछि यो अनौठो धन्दा सँधै मौलाउन खोज्छ अनि सुपारी धन्दामा लागेर अर्वौ कमाउन सफल झापाली व्यवसायी सलबलाउन थाल्छन् ।

उध्योग वाणिज्य तथा आफुर्ति मन्त्रालयले एक सुचना जारी गर्दै कोटा वितरण स्थगन गरिएको जनाएको छ । तर यसअघि दिएको आयात अनुमति खारेज भएको या नभएको विषयमा भने मन्त्रालयले पनि मौनता साँधेको छ । सरकारले देश भित्र आवस्यक सुपारी अभाव भएको भन्दै २५ हजार मेट्रिक टन सुपारी आयातका लागि सार्वजनिक सुचना जारी गरेको थियो । मन्त्रालय मातहतको वाणिज्य, आपूर्ति तथा उपभोक्ता संरक्षण विभागले  २ लाख २७ हजार दुई सय ७० मेट्रिक टन सुपारी आयात गर्न ८५ फर्मले आवेदन दिएको जनाएको छ । आवेदन दिएका फर्म मध्ये वर्तमान सरकार र प्रधानमन्त्री ओली निकट मानिएका व्यवसायीलाई मात्रै आयात अनुमति दिएपछि यो विषयमा यति खेर विवाद वढेको अनि उत्कर्षमा पुगेको हो ।