पोखरा / पोखराबाट जोमसोमका लागि उडेको तारा एयरको विमान सम्पर्कविहीन भएको छ । बिहान ७ बजेर ५० मिनेटमा पोखरा विमानस्थलबाट उत्तरी जिल्ला मुस्ताङको जोमसोमका लागि उडेको ट्वीनअटर विमान सम्पर्कविहीन भएको प्राधिकरणका महानिर्देशक सञ्जीव गौतमले बताए । विमानमा चालक दलका सदस्य सहित २३ जना रहेको बताइएको छ ।महानिर्देशक गौतमका अनुसार उद्धार समन्वयका लागि एक टोली बनाई सम्पर्कविहीन विमानको खोजीका लागि कास्की, म्याग्दी, पर्वत र मुस्ताङ जिल्लामा पर्ने क्षेत्रहरूमा तीनवटा हेलिकोप्टर परिचालन गरिएको छ ।विमानमा ४ जना भारतीय नागरिकसहित ६ जना विदेशी र १३ जना नेपाली यात्रु रहेको यति एयरलाइन्सले जनाएको छ
झापा / राज्यको सम्पूर्ण शक्ति जनतामा निहित हुने गरी सङ्घीय लोकतान्त्रिक गणतन्त्रात्मक शासन व्यवस्था प्रारम्भ भएको दिन आज जेठ १५ गते गणतन्त्र दिवस । हजारौँको बलिदान, लाखौँ नागरिक सडकमा उत्रिएर ल्याएको गणतन्त्र दिवस विभिन्न कार्यक्रम आयोजना गरी आज देशभर मनाइँदैछ । निरंकुश एकात्मक राजतन्त्रको विधिवत् अन्त्य गर्दै आज मुलुकमा सङ्घीय लोकतान्त्रिक गणतन्त्रात्मक शासन व्यवस्था प्रारम्भ घोषणा भएको दिन हो । जननिर्वाचित पहिलो संविधानसभाबाट २०६५ जेठ १५ गते निरंकुश राजतन्त्रको विधिवत् अन्त्य गर्दै नेपालमा सङ्घीय लोकतान्त्रिक गणतन्त्रात्मक शासन व्यवस्था प्रारम्भको घोषणा भएको थियो ।विसं २०६३ वै
बिर्तामोड / मोरङको कटहरी गाउँपालिका -१ मा एक पुरुषको शव फेला परेको छ । कटहरी गाउँपालिका- १ महेशपुरमा आइतबार बिहान कटहरी- २ आदर्श टोलका ५० वर्षीय तुलसी श्रेष्ठको शव फेला परेको हो । शवमा चोट पटक भएका कारण हत्या गरेर फ्यालेको हुनसक्ने प्रहरीको आशंका गरिएको मोरङ प्रहरीका प्रवक्ता डीएसपी दीपक श्रेष्ठले बताए । खेतमा शव देखेपछि स्थानीयले प्रहरीलाई खबर गरेका थिए । डीएसपी श्रेष्ठका अनुसार आँखामाथि निधारको भागमा चोट रहेको अवस्थामा शव भेटिएको हो । प्रहरीले घटनाको तालिम प्राप्त कुकुरसमेत परिचालन गरी घटनाको अनुसन्धान सुरु गरेको छ ।
झापा / मोरङको बेलबारी नगरपालिका –१० भाउन्नेमा मोटरसाइकल दुर्घटना हुँदा दुई जनाको मृत्यु भएको छ ।प्रहरीका अनुसार दुर्घटनामा मोटरसाइकल चालक सुन्दरहरैँचा नगरपालिका –११ का २५ वर्षीय राजेश धिमाल र पछाडि सवार २४ वर्षीय अनिल चौधरीको मृत्यु भएको हो ।को १० प ३५९९ नम्बरको मोटरसाइकल शनिबार राति दुर्घटना हुँदा मोटरसाइकलमा सवार दुई जनाको मृत्यु भएको हो । दुर्घटनामा परेर गम्भीर घाइते भएका दुवै जनालाई उपचारका लागि विराटनगरको विराट नर्सिङ होम एवम् विराटनगर अस्पताल लगिएको थियो । चौधरीको राति ९ः४० बजेतिर र धिमालको आइतबार (आज) बिहान ६ बजेतिर मृत्यु भएको प्रहरीले जनाएको छ ।मोरङ प्रहरी प्रमुख एसपी
बिर्तामोड / कबड्डी ४ ले पहिलो दिन शुक्रबार २ करोड ९० लाख रुपैयाँ कमाइ गर्दै नेपाली बक्स अफिसमा ओपनिङ कीर्तिमान कायम गरेको छ । चर्चित कलाकार दयाहाङ राई, सौगात मल्ल, मिरुना मगर अभिनीत फिल्म अष्ट्रेलिया, बेलायत र अमेरिकामा पनि एकसाथ रिलिज भएको छ । मुलुकका डेढ सय हलबाट रिलिज भएको फिल्मले पहिलो दिन नै २ करोड ९० लाख रुपैयाँ कमाई गरेको हो । यो कमाइ कुनै नेपाली फिल्मले घरेलु बक्सअफिसमा कायम गरेको ओपनिङको व्यवसायिक कीर्तिमान हो । रामबाबु गुरुङ निर्देशित ‘कबड्डी ४’ ले मुख्य मल्टिप्लेक्स चेन क्यूएफएक्सबाट मात्र १ करोड रुपैयाँभन्दा बढी कमाइ गरेको छ । प्रतीक्षित सिरिज भएकाले पनि
बिर्तामोड / नेकपा माओवादी केन्द्र बिर्तामोड नगर इन्चार्ज युवराज दाहालले पदबाट राजीनामा दिएका छन् । गत बैशाख ३० गते सम्पन्न भएको स्थानीय तह निर्वाचनमा पार्टीले हार ब्यहोर्नुपरेको भन्दै दाहालले नैतिकताका आधारमा राजीनामा दिएका हुन् । माओवादी केन्द्र र नेपाली कांग्रेसको संयुक्त गठबन्धनबाट उम्मेदवार बनेकाहरू पराजित भएपछि नैतिकताको आधारमा नगर इन्चार्जको जिम्मेवारीबाट राजीनामा दिएको बताए । नगर इन्चार्जको जिम्मेवारीबाट राजीनामा दिए पनि पार्टीको आन्दोलन, जनता र राष्ट्रको हितमा विगत २ दशकदेखिको यात्रामा कमी नहुने दाहालले विज्ञप्तिमा बताएका छन् ।
काठमाडौँ / विभिन्न कसुरमा दोषी ठहर भइ कैद सजाय भुक्तान गर्दै आएका ८३४ जना कैदीको गणतन्त्र दिवसको अवसरमा सजाय माफी मिनाहा भएको छ ।मन्त्रिपरिषद्को सिफारिसमा राष्ट्रपति विद्यादेवी भण्डारीले खड्ग श्रेङ लिम्बू समेत २७१ जना र नरबहादुर साँवा समेत ५४७ जनाको बाँकी कैद सजाय १५ जेठ २०७९ देखि माफी मिनाहा गरिएको राष्ट्रपति कार्यालयले जनाएको छ ।यस्तै संविधानको धारा २७६ र मुलुकी फौजदारी कार्यविधिको दफा १५९ बमोजिम उमाकान्त पराजुलीसहित १६ जनाको कैद सजाय माफी भएको छ ।
काठमाडौँ / सरकारले निजामती कर्मचारीको तलब भत्ता बढाउने भएको छ । प्रत्येक तीनतीन वर्षमा निजामती कर्मचारीको तलब भत्ता पुनरावलोकन गर्ने व्यवस्थाअनुसार सरकारले फेरि तलब बढाउने तयारी गरेको हो। पूर्वप्रधानमन्त्री केपी शर्मा ओलीका अर्थमन्त्री युवराज खतिवडाले तीन वर्षअघि कर्मचारीको तलब बढाएका थिए। गत वर्ष २ हजार रुपैयाँका दरले तलब बढाएकाले अहिले पुनरावलोकन गर्न सरकारलाई दबाब परेको हो।अर्थ मन्त्रालयका एक उच्च अधिकारीका अनुसार अर्थमन्त्री जनार्दन शर्मा र अर्थसचिव मधुकर मरासिनी धेरैथोरै जति सकिन्छ, तलब बढाउनुपर्छ भन्ने पक्षमा छन्। निजामती कर्मचारीको तलबभत्ता पुनरावलोकन गरी सुझाव दिन गठित स
झापा / स्थानीय वायु, भारतको उत्तर प्रदेश र विहार आसपास रहेको न्यून चापीय रेखा र पश्चिमी वायुको प्रभावले देशभरको मौसममा बदली भएको छ।जसअनुसार आज (शनिबार) प्रदेश १, मधेस, बागमती र गण्डकी प्रदेश लगायत देशका पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदलीको सम्भावना रहेको छ।मौसम पूर्वानुमान महाशाखाका अनुसार केही स्थानहरूमा मेघ गर्जन र चट्याङ र हावाहुरी सहित हल्कादेखि मध्यम वर्षाको सम्भावना रहेको छ।
झापा / दाङको बङ्गलाचुली गाउँपालिका र लमही नगरपालिकाको सीमाना रहेको जङ्गलमा सिकार खेल्न गएका युवकको गोली लागेर एकजनाको मृत्यु भएको छ । मृत्यु हुनेमा लमही नगरपालिका वडा नम्बर– १ बौराह निवासी २३ वर्षीय कालुराम घर्ती मगर रहेको प्रहरीले जनाएको छ । उनको घाँटीमा गोली लागेको र घटनामा संलग्न रहेको भन्दै प्रहरीले ८ जनालाई नियन्त्रणमा लिई घटनाबारे अनुसन्धान सुरु गरेको छ ।
Copyright © 2021 / 2024 / Esoul Media (P) Ltd. / All Rights Reserved.
