काठमाडौं— आज सुनचाँदीको मोलमा केही थपघट भएको छ। आज सुन तोलामा रु ४०० ले घटेको छ भने चाँदी रु ६० ले बढेको नेपाल सुनचाँदी व्यवसायी महासङ्घले जनाएको छ ।
महासङ्घका अनुसार आज एक तोला सुनको मूल्य रु दुई लाख ४८ हजार ४०० कायम भएको छ। हिजो सुनको मूल्य प्रतितोला रु दुई लाख ४८ हजार ८०० कायम भएको थियो।
आज चाँदीको मोल पनि बढेर तोलामा रु तीन हजार २८० कायम भएको छ। हिजो एक तोला चाँदी रु तीन हजार २२० मा कारोबार भएको थियो।
अन्तरराष्ट्रिय सञ्चारमाध्यमहरूका अनुसार आज एक औँस सुन चार हजार १५४ र त्यति नै चाँदी ५३ अमेरिकी डलरमा कारोबार भइरहेको छ।
