बिर्तामोड / झापाको अर्जुनधारा नगरपालिका-४ दहीझोडा स्थित पैनीको पानीमा डुबेर एक बालिकाको मृत्यु भएको छ । मृत्यु हुनेमा स्थानीय मनु चेम्जोङकी ४ बर्षीया छोरी सचिना चेम्जोङ रहेको प्रहरीले जनाएको छ ।
शनिबार बेलुका साँढे ५ बजे घरबाट ३०० मिटर दक्षिणमा रहेको पैनीमा बालिका मृत अवस्थामा फेला परेकी थिइन् । घटना सम्बन्धमा इलाका प्रहरी कार्यालय अनारमनीबाट थप अनुसन्धान भइरहेको प्रहरीले जनाएको छ ।
