दाङ / दाङमा ट्याक्टर दुर्घटनामा २६ जना घाइते भएका छन् । शुक्रबार साँझ भारतको उत्तरप्रदेशस्थित पाटनदेवी मन्दिरमा लागेको मेला हेर्न जाँदै गरेका यात्रु सवार ट्याक्टर दुर्घटना भएको हो ।
दुर्घटनामा घाइतेमध्ये १२ जनाको अवस्था गम्भीर छ । दाङका रा १ त ३७० नम्बरको ट्याक्टर गढवा गाउँपालिका –८ कोइलावास नजिक भिरालो ठाउँमा दुर्घटना भएको दाङका प्रहरी प्रमुख एसपी सुरेश काफ्लेले जानकारी दिए ।
काफ्लेका अनुसार घाइतेमध्ये गम्भीर १२ जनालाई थप उपचारका लागि गएराति नै कोहलपुर अस्पतालमा पठाइएको छ । अन्य समान्य घाइतेहरूलाई लमही अस्पतालबाट डिस्चार्ज गरिएको छ ।
