बारा / बारामा गोली लागेर एक युवकको मृत्यु भएको छ । मृत्यु हुनेमा जितपुर सिमरा उपमहानगरपालिका –१६ का २८ वर्षीय सागर सिँजाली रहेका छन् ।
बुधबार राती गाउँका अन्य युवाहरूसँगै गाउँ नजिकैको धर्मनगर स्थित बालगंगा नदीमा पुगेका सिंजाली शिकारीले चलाएको गोली लागी गम्भीर घाइते भएका थिए ।
घाइते सिंजालीलाई स्थानीयको सहयोगमा उपचारको लागि वीरगन्जस्थित वयोधा अस्पतालमा भर्ना गरिएको थियो ।
उपचारकै क्रममा उनको मृत्यु भएको जिल्ला प्रहरी कार्यालय बाराका प्रवक्ता डीएसपी राजेश थापाले जानकारी दिए ।
