काठमाडौं— काठमाडौं महानगरपालिकामा तनाव भएको छ । प्रमुख प्रशासकीय अधिकृत सरोज गुरागाईँ आज महानगरपालिकामा हाजिर हुन पुगेका थिए ।
तर मेयर बालेन शाहले गेटमै नगर प्रहरी तैनाथ गरेपछि थप तनावको अवस्था सिर्जना भएको हो ।
कर्मचारी र जनप्रतिनिधिले कार्यकक्षमा लगाइएको ताला फुटाउने प्रयास गरेपछि नगर प्रहरीले हस्तक्षेप गरेपछि तनावको अवस्था भएको हो । गत पुस ७ गतेदेखि गुरागाईंलाई बिदामा राखिएको थियो ।
त्यसपछि नियुक्त भएका निमित्त प्रमुख प्रशासकीय अधिकृत गोविन्दप्रसाद शर्माले पनि राजीनामा दिएपछि अहिले महानगर प्रमुख प्रशासकीय अधिकृतविहीन छ ।
यस्तो अवस्थामा आफूहरूले तलबसमेत खान नपाएको भन्दै कर्मचारीहरू आक्रोशित बनेका छन् ।
