काठमाडौं— कोशी प्रदेश प्रहरी कार्यालय विराटनगरको सभाहलमा एक कार्य दिनको दुर्व्यसन विरुद्दको अभियान प्रशिक्षक प्रशिक्षण तालिम(Fight Against Narcotics Instructor Training) दोस्रो समुहको समापन तथा अन्तरकृया कार्यक्रम सम्पन्न भएको छ ।
कोशी प्रदेश प्रहरी कार्यालय बिराटनगरका प्रमुख प्रहरी नायव महानिरीक्षक राजन अधिकारीको प्रमुख आतिथ्यतामा भएको समापन तथा अन्तरकृया कार्यक्रमलाई सम्वोधन गर्दै उनले लागूऔषध दुर्व्यसन विरुद्धको अभियान (FAN) लाई व्यवस्थित तथा प्रभावकारी बनाउन तालिम प्रदान गरिएको बताए ।
तालिम प्राप्त दक्ष जनशक्ति तयार गर्ने उद्धेश्यका साथ (FAN) मा रहने प्रहरी कर्मचारीहरुलाई प्रशिक्षक प्रशिक्षण तालिम दिईएको उनको भनाइ छ । उनले बिशेष जोखिममा परेका किशोर अवस्थाका युवाहरुलाई दुर्व्यसन विरुद्दको अभियानको लागी प्रशिक्षण प्रदान गरी योद्धा बनाई उनिहरुको अगुवाईमा सशक्तरुपमा दुर्व्यसन विरुद्ध कार्यक्रमहरु संचालन गर्न प्रशिक्षक प्रशिक्षार्थीहरुलाई आग्रह गरे ।
उनले प्रशिक्षक प्रशिक्षार्थीहरुसंग अन्तरक्रिया गर्नुका साथै (FAN) कार्यक्रमहरुमा वितरण गर्नको लागी (FAN) लोगो अंकित टि(सर्ट जिल्ला प्रहरी कार्यालय धनकुटा र इलामबाट प्रशिक्षक प्रशिक्षणको लागी आएका प्रहरी अधिकृतहरुलाई हस्तान्तरण गरे। कार्यक्रममा कोशी प्रदेश प्रहरी प्रहरी गण विराटनगरका प्रमुख प्रहरी उपरीक्षक प्रदिप बहादुर क्षेत्रीलगायत सिनियर प्रहरी अधिकृतका साथै आन्तरिक मामिला तथा कानून मन्त्रालय कोशी प्रदेशबाट प्रतिनिधि, अधिकृत प्रेम आचार्य र(FAN) अभियान सुनसरीका शम्भु अधिकारी समेतको उपस्थिति रहेको थियो ।
