काठमाडौँ । सन् २०२५ को मार्च महिनामा एक लाख २१ हजार आठ सय विदेशी पर्यटक नेपाल भित्रिएका छन् ।
नेपाल पर्यटन बोर्डको तथ्याङ्कअनुसार यो सङ्ख्या हवाइमार्ग भएर आएका पर्यटकको हो । बोर्डको विवरणमा वर्षको पहिलो तीन महिनामा दुई लाख ९८ हजार पर्यटक नेपाल भित्रिएका छन् । जनवरीमा ७९ हजार नौ सय र फेब्रुअरीमा ९६ हजार आठ सय पर्यटक नेपाल आएका थए । यो महिना सबैभन्दा धेरै भारतबाट २१ हजार चार सय १२ पर्यटक नेपाल आएका छन् ।
चीनबाट ११ हजार चार सय ४३ पर्यटक आएका छन् । अमेरिकाबाट ११ हजार ९२ जना अमेरिकी आएका छन् ।
श्रीलङ्काबाट आठ हजार आठ सय ८६ पर्यटक नेपाल आएका छन् । बेलायतबाट पाँच हजार नौ सय ९५ जना आएका छन् । मार्चमा दक्षिण एसियाली मुलुकका ३५ हजार दुई सय ८७ पर्यटक आएका छन् ।
