काठमाडौं— काठमाडौंको तीनकुनेमा जारी राजावादीहरूको कार्यक्रममा अश्रुग्यास प्रहार गरिएको छ । अश्रुग्यास प्रहार गरेपछि सहभागीहरुको भागाभाग भएको छ ।
सभामा विभिन्न ठाउँबाट आएका मानिसहरु प्रदर्शनमा आइरहेका थिए । सोही क्रममा प्रहरीले बानेश्वरतर्फ जाने सडक बन्द गराएको थियो । प्रहरीको घेरा तोड्न खोजेपछि प्रहरीले बल प्रयोग गर्नुपरेको जनाएको छ ।
सभाका लागि विभिन्न ठाउँबाट राजाका समर्थकहरु भेला हुन तिनकुने आउने क्रम जारी थियो । उनीहरुको सभा सुरु नहुँदै तनाव सिर्जना भएको छ ।
कार्यक्रम बिथोलिएपछि नेताहरु कार्यक्रमस्थलबाट हिँडेका छन् । प्रहरीले बल प्रयोग गरेपछि उनीहरुले प्रधानमन्त्रीविरुद्ध नाराबाजी गरेका छन् ।
