ताप्लेजुङ / ताप्लेजुङमा छिमेकीको कुटपिटबाट एक महिलाको मृत्यु भएको छ । फुङलिङ नगरपालिका -११ मा बैशाख २ गते बिहान ८ बजे स्थानीय ५४ वर्षीया कुमारी लिम्बुले छिमेकी ४४ वर्षीया मेनुका सार्कीलाई कुटपिट गर्दा आज बिहान मृत्यु भएको हो ।
कुटपिटबाट मृत्यु भएको भन्ने खबर प्राप्त भएसँगै जिल्ला प्रहरी कार्यालय ताप्लेजुङबाट खटिएको प्रहरी टोलीले लिम्बुलाई पक्राउ गरेको छ । हत्या अभियोगमा पक्राउ परेकी लिम्बुको सम्बन्धमा प्रहरीले थप अनुसन्धान गरिरहेको प्रहरीले जनाएको छ ।
