बिर्तामोड / सिन्धुलीको कमलामाई नगरपालिका- ९ भिमानस्थित सार्वजनिक शौचालय नजिकबाट करिब ३ ग्राम २३ मिलिग्राम अवैध लागूऔषध ब्राउनसुगर नगद २० हजार रुपैयाँ सहित एकजनालाई प्रहरीले पक्राउ गरेको छ । पक्राउ पर्नेमा सोही ठाउँ बस्ने २९ वर्षीय प्रदिप माझी रहेका छन् । विशेष सूचनाको आधारमा इलाका प्रहरी कार्यालय भिमानबाट खटिएको प्रहरीले उनलाई शनिबार पक्राउ गरेको हो ।यता बाँके, कोहलपुर नगरपालिका- ११ बसपार्कबाट करिब ४ सय ४० मिलिग्राम अवैध लागूऔषध ब्राउनसुगर अर्का एक युवकलाई पनि प्रहरीले पक्राउ गरेको छ । पक्राउ पर्नेमा सोही नगरपालिका- २ मनकामना चोक बस्ने १८ वर्षीय किशोर रहेका छन् । इलाका प्रहरी कार्या
बिर्तामोड / झापाका सीमा नाका वैशाख २७ देखि ३० गतेसम्म बन्द हुने भएका छन्। स्थानीय निर्वाचनलाई मध्यनजर गर्दै झापाका भारतसँग सीमा जोडिएका नाकाहरू २७ गते साँझ ७ बजेदेखि वैशाख ३० गते साँझ ७ बजेसम्म बन्द हुने जिल्ला प्रशासन कार्यालयले जनाएको छ।स्थानीय निर्वाचनलाई स्वतन्त्र, निष्पक्ष एवम् भयरहित वातावरणमा सम्पन्न गर्नका लागि झापा जिल्लासँग सिमाना जोडिएका सम्पूर्ण नाकाहरू बन्द गरिने भएको झापाका प्रमुख जिल्ला अधिकारी छविलाल रिजालले जानकारी दिए । त्यस्तै स्थानीय तह सदस्य निर्वाचनको मतदानका दिन (बैशाख ३०)गते पास बिनाको कुनै सवारीसाधन चलाउन नपाइने जिल्ला प्रशासन कार्यालय झापाले जनाएको छ ।
तेह्रथुम / तेह्रथुममा १५ वर्षीया किशोरीलाई यौन दुर्व्यवहार गरेको आरोपमा प्रहरीले एक जना पक्राउ गरेको छ ।पक्राउ पर्नेमा लालीगुराँस नगरपालिका- ३ मुसाङखेल बस्ने १९ वर्षीय अनिष बस्नेत रहेका छन् । प्रहरीले पक्राउ गरेको हो । किशोरीलाई घर नजिकैको बारीमा बस्नेतले यौन दुर्व्यवहार गरेको भन्ने खबर प्राप्त हुनासाथ इलाका प्रहरी कार्यालय वसन्तपुरबाट खटिएको प्रहरीले उनलाई शनिवार राति पक्राउ गरेको हो ।
सङ्खुवासभा / हिमाली जिल्ला सङ्खुवासभामा स्थानीय तह निर्वाचनका लागि निर्वाचन सामग्री मतदान केन्द्रमा पठाइएको छ। मुख्य निर्वाचन कार्यालयले शनिबार भोटखोला, मकालु र सिलिचोङ गाउँपालिकामा कर्मचारीसहित मतदान सामग्री पठाएको हो।मुख्य निर्वाचन अधिकृत शान्तिप्रसाद आचार्यले जिल्लाकै सबैभन्दा दुर्गम मानिएको भोटखोला गाउँपालिकामा तीन दिनपछि मतदान सामग्री मतदान केन्द्रमा पुग्ने जानकारी दिए। सिलिचोङ र मकालुमा भने दुई दिनभित्र मतदान सामग्री पुग्ने छ। कर्मचारी र मतदानका सामग्रीहरू सुरक्षाकर्मीका साथ पठाइएको छ। जिल्लाको अन्य पालिकामा सोमबारसम्म कर्मचारी र निर्वाचन सामग्री पठाइने जनाइएको छ। वैशाख २७
धनुषा / धनुषाको जनकनन्दनी गाउँपालिकाका अध्यक्ष अब्दुल बारिक शेखको ७० वर्षको उमेरमा शनिबार साँझ निधन भएको छ । फोक्सोमा क्यान्सर भएर चार वर्षदेखि उपचार गराइरहेका उनलाई दुई महिनादेखि पित्तथैलीमा पत्थरी समेत भएको थियो । तर सुगर हाई भएकाले शल्यक्रिया हुन नसकेको गाउँपालिकाका निवर्तमान उपाध्यक्ष भारती कार्कीले बताइन् । बिरामी शेख शनिबार साँझसम्म पनि बैठकमा व्यस्त थिए ।उनी नेपाली कांग्रेसबाट २०७४ सालको निर्वाचनमा गाउँपालिका अध्यक्षमा निर्वाचित भएका थिए ।
काठमाडौं / अमेरिकाले प्रदान गर्ने डिभी (डाइभर्सिटी भिसा) को नतिजा सार्वजनिक भएको छ ।सन् २०२३ का लागि गएको अक्टोबरमा आवेदन दिएकाहरूको नतिजा सार्वजनिक भएको हो । डिभी परेकालाई सन् २०२३ सेप्टेम्बर ३० भित्र अमेरिकी भिसा जारी भइसक्नुपर्ने नेपालमा रहेको अमेरिकी दूतावासले जनाएको छ ।डीभी परे नपरेको थाहा पाउनका लागि https://dvprogram.state.gov मा गएर आफ्नो कन्फरमेसन नम्बर, लास्ट नेम, जन्म मिति राखेर नतिजा हेर्न सकिने व्यवस्था छ ।सन् २०२३ मा डिभी कार्यक्रमका लागि सन् २०२१ को अक्टोबर ६ मा आवेदन खुलेको थियो ।
सुनसरी / सुनसरीको कोशी गाउँपालिका- ३ जमुवामा बसको ठक्करबाट मोटरसाइकल चालकको मृत्यु भएको छ । मृत्यु हुनेमा अन्दाजी २६ वर्षीय पुरुष रहेका छन् । उनको पहिचान नखुलेको प्रहरीले जनाएको छ ।दुर्घटनामा गम्भीर घाइते भएका उनको उपचारको क्रममा जिल्ला अस्पताल इनरुवामा मृत्यु भएको हो ।ना ४ ख ६८ ४० नम्बरको बसले को ५ प ४० ०४ नम्बरको मोटरसाइकललाई शनिबार साढे १० बजे ठक्कर दिएको थियो । दुबै सवारी साधन नियन्त्रणमा लिएको र बस चालक फरार रहेकाले खोजी भइरहेको इलाका प्रहरी कार्यालय लौकहीले जनाएको छ ।
भोजपुर / भोजपुरमा उम्मेदवारमाथि खुकुरी प्रहार भएको छ । षडानन्द नगरपालिका- १० साङपाङका वडा सदस्यका उम्मेदवार अमिता तामाङमाथि गएराति १० बजे अपरिचित व्यक्तिले खुकुरी प्रहार गरेको जिल्ला प्रहरी कार्यालय भोजपुरले जनाएको छ ।खुकुरी प्रहारबाट घाइते भएकी तामाङको टाउकोमा चारवटा टाँका लगाएको प्रहरीले जनाएको छ । खुकुरी प्रहार गर्ने व्यक्तिको खोजी भइरहेको प्रहरीले जनाएको छ । घाइते तामाङको स्वास्थ्य अवस्था अहिले सामान्य रहेको बताइएको छ ।
काठमाडौं / नेकपा एकीकृत समाजवादीकी सचिव रामकुमारी झाँक्रीलाई चुनावी प्रचारप्रसार गर्न निर्वाचन आयोगले अनुमति दिएको छ ।सहरी विकास मन्त्री समेत रहेकी झाँक्रीलाई पार्टी सचिवको हैसियतका कारण चुनावी कार्यक्रममा जान आयोगले सहमति दिएको हो । पत्रमा मन्त्रीको हैसियतमा प्राप्त सेवा सुविधाको प्रयोग नगरी चुनावी प्रचारका कार्यक्रममा जान सकिने भन्दै आयोगका कानून अधिकृत मोहनराज जोशीले सहमति दिएका हुन् ।झाँक्रीले उक्त पत्र सार्वजनिक गर्दै आचारसंहिता पालना गर्ने आफ्नो कर्तव्य भएको उल्लेख गरेकी छन् ।
नेपालगन्ज / बाँके खजुरा गाउँपालिका ७ की एक जना ४९ वर्षीया महिलालाई बलात्कार गरेको आरोपमा टेम्पो चालकलाई पक्राउ गरेको छ । भे १ च ६१०३ नम्बरको टेम्पो चालकले राति सवा १० बजेतिर खजुराकै सिमालघारी नजिक सडक नजिकैको खेतमा बलात्कार गरेको प्रहरीले दाबी गरेको छ । घटना पछि फरार रहेका टेम्पो चालकलाई बर्दियाको बढैया गाउँपालिकाको सीतापुर गाउँमा एक बासिन्दाको घरमा लुकेर बसेका बेला प्रहरीले नियन्त्रणमा लिएको जिल्ला कार्यालयका प्रहरी उपरीक्षक श्यामकृष्ण अधिकारीले बताएका छन् ।खजुरास्थित धनौली इलाका प्रहरी कार्यालयमा प्रहरी निरीक्षक प्रेम रेग्मीले बलात्कारपछि अचेत अवस्थामा फेला परेकी महिलालाई भेरी अस्पतालम
Copyright © 2021 / 2024 / Esoul Media (P) Ltd. / All Rights Reserved.
