भद्रपुर / झापाको भद्रपुरमा अर्ना (जङ्गली भैँसी) को आक्रमणबाट एक जना घाइते भएका छन् । जलथल जङ्गलबाट निस्किएको अर्नाको आक्रमणबाट भद्रपुर –२ स्थित कमलधापका कृष्णप्रसाद मिश्र घाइते भएका हुन् । घाँस काट्न जाने क्रममा अर्नाले उनीमाथि आक्रमण गरेको स्थानीय तेज प्रकाश भण्डारीले जानकारी दिए ।
काठमाडौँ / युरोपका विभिन्न मुलुकमा रोजगारीका लागि पठाइदिने भन्दै झन्डै तीन करोड रुपियाँ ठगी गरेको आरोपमा वैदेशिक रोजगार विभागले कन्सल्टेन्सीका सञ्चालक विरुद्ध मुद्दा दायर गरेको छ ।विभागले ठगी गरेको आरोपमा जेन्युन एजुकेसन एन्ड कन्सल्टेन्सी प्रालिका सञ्चालक सुजन भट्टराई विरुद्ध न्यायाधीकरणमा मुद्दा दायर गरेको हो । विभागले कन्सल्टेन्सीका सञ्चालक भट्टराईसहित मेखबहादुर गुरुङ र सुनील लम्साललाई पनि ठगी मुद्दामा विपक्षी बनाएको छ ।ठगीका आरोपी भट्टराई, गुरुङ र लम्साललाई विभागमा खटिएको नेपाल प्रहरी नायब उपरीक्षक नेतृत्वको टोलीले गत चैत २८ गते पक्राउ गरेको थियो । विभागले दिएको जानकारी अनुसार ठगीका आरोपीले
बैतडी / बैतडीको पुर्चौडी बहुमुखी क्याम्पसका प्राध्यापक माथि कुटपिट गरेको आरोपमा डिलासैनी गाउँपालिकाको अध्यक्षका उम्मेदवार प्रहरीले नियन्त्रणमा लिएको छ ।क्याम्पसका प्राध्यापक रामदत्त जोशीमाथि गाउँपालिकाको अध्यक्षका उम्मेदवार लोकेन्द्र रानाले कुटपिट गरेको आरोपमा प्रहरीले नियन्त्रणमा लिएको हो ।जिल्ला प्रहरी कार्यालय बैतडीका प्रवक्ता लोकेन्द्र जोशीका अनुसार अध्यक्षका उम्मेदवार राना र घाइते भएका जोशी पक्षबीच गोकुलेश्वर प्रहरी चौकीमा छलफल भइरहेको बताए । घटनाको बारेमा जानकारी लिन रानालाई नियन्त्रणमा लिएको उनको भनाइ छ ।अध्यक्षका उम्मेदवार राना र उनका समर्थकले स्वतन्त्र उम्मेदवारको चुनाव प्रचार ग
बिर्तामोड / आगामी बैशाख ३० गते हुने स्थानीय तहको निर्वाचनलाई लक्षित गर्दै जिल्ला प्रशासन कार्यालय झापाले अत्यावश्यक बाहेकका सबै बैशाख २७ गते देखी बन्द हुने जनाएको छ । जिल्ला प्रशासन कार्यालयले सोमबार सूचना जारी गर्दै कार्यालयका कर्मचारीहरू मतदानमा कार्यमा खटिने भएकाले बैशाख २७ , २८ र २९ गते नागरिकता , राहदानी , राष्ट्रिय परिचयपत्र , र सिफारिस सम्बन्धी सबै सेवा बन्द गरिएको जानकारी दिएको हो ।
ताप्लेजुङ / कञ्चनजंघा हिमाल आरोहणका क्रममा एक भारतीय नागरिकको मृत्यु भएको छ । मृत्यु हुनेमा ५२ वर्षीय नारायणम् आईयर रहेको जिल्ला प्रहरी कार्यालय ताप्लेजुङका सूचना अधिकारी प्रहरी निरीक्षक कुशाराम कार्कीले जानकारी दिएका छन् । आरोहणका क्रममा उनको ८ हजार २ समय मिटर उचाइमा पुग्दा मृत्यु भएको प्रहरीको भनाई रहेको छ । उनी पायोनियर एड्भेन्ञ्चर प्रालिबाट हिमाल आरोहणमा गएका थिए । सो कम्पनीका कार्यकारी निर्देशक निमेष कार्कीका अनुसार उनको शवलाई उद्धारका लागि ६ जना शेर्पाको टोली परिचालित भइसकेको जनाइएको छ ।
काठमाडौं / नेपाल बार एसोसिएसनले व्यावसायिक आचरणमा प्रतिबद्ध हुने प्रेरणा प्राप्त होस भन्दै शुभकामना व्यक्त गरेको छ । बारले कानुन दिवसका अवसरमा आफ्नो जिम्मेवारी बहन गर्दा पेसागत दक्षतासँगै व्यवसायिक निष्ठामा समेत प्रतिबद्ध हुन भन्दै शुभकामना सन्देश जारी गरेको हो । संवैधानिक सर्वोच्चता, विधिको शासन, स्वतन्त्र न्यायपालिका, व्यावसायिक र मर्यादित बारको प्रमुख लक्ष्य र त्यसको संवर्द्धनका लागि निरन्तर क्रियाशील रहनु पर्ने भन्दै बारका अध्यक्ष गोपालकृष्ण घिमिरे शुभकामना व्यक्त गरेका छन् । घिमिरेले स्वतन्त्र, सक्षम, निष्पक्ष र पारदर्शी न्यायपालिकाको प्रवर्
झापा / नेपाल प्रहरीले अपरिचित व्यक्तिले दिएको प्रसाद तथा सगुन नखान अनुरोध गरेको छ । स्थानीय तह निर्वाचनको प्रचारप्रसारमा हिँडेका राजनीतिक दलका नेता, उम्मेदवार तथा कार्यकर्ताहरू अपरिचित व्यक्तिबाट दिएको प्रसाद, सगुन खाँदा बेहोस हुने र चक्कर लागेर लड्ने गरेको पाइएको भन्दै प्रहरीले अपरिचित व्यक्तिले दिएको प्रसाद नखान अनुरोध गरेको हो। प्रहरीले हिजो (आइतबार) सार्वजनिक सूचना जारी गरी यस प्रकारका घटनाबाट सुरक्षित रहन र त्यस्तो सूचना प्राप्त भएमा प्रहरीमा खबर गर्न समेत आग्रह गरेको छ ।
धनुषा / धनुषामा राप्रपाका उम्मेदवारमाथि नेकपा एमालेका कार्यकर्ताले साङ्घातिक आक्रमण गरेका छन् ।धनुषाको सबेला नगरपालिका वडा नम्बर -४ का राप्रपा वडा सदस्यका उम्मेदवार समशुल राइन मियाँमाथि एमालेका कार्यकर्ताले साङ्घातिक आक्रमण गरेको राप्रपाले जनाएको छ ।राप्रपा प्रवक्ता मोहन श्रेष्ठले आज विज्ञप्ति निकालेर राप्रपा वडा सदस्यका उम्मेदवारलाई एमालेका कार्यकर्ताले उम्मेदवारी फिर्ता लिन दबाब दिएको र फिर्ता लिन नमानेपछि उम्मेदवार सहित परिवारमाथि नै आक्रमण भएको उल्लेख गरेका छन् । मियाको परिवारका सात जना सदस्यमाथि एमालेले आक्रमण गरेको राप्रपाको दाबी छ ।
काठमाडौँ / राष्ट्रपति विद्यादेवी भण्डारीले आगामी जेठ ३ गतेका लागि संघीय संसद्का दुवै सदनको अधिवेशन आह्वान गरेकी छन् । सरकारको सिफारिशमा राष्ट्रपति भण्डारीले अधिवेशन आह्वान गरेकी हुन् । ‘सम्माननीय राष्ट्रपति श्रीमती विद्यादेवी भण्डारीज्यूबाट नेपालको संविधानको धारा ९३ को उपधारा (१) बमोजिम नेपाल सरकार, मन्त्रिपरिषद्को मिति २०७९/१/२५ को सिफारिशमा सम्वत् २०७९ साल जेठ ३ गते मङ्गलबारका दिन १६ बजे अन्तर्राष्ट्रिय सम्मेलन केन्द्र, नयाँबानेश्वरमा संघीय संसद्को दुवै सदनको अधिवेशन आह्वान गर्नुभएको छ’ राष्ट्रपति कार्यालयद्वारा जारी विज्ञप्तिमा भनिएको छ।आइतबार बसेको मन्त्रिपरिषद् बैठकले संसद्को
लमजुङ / लमजुङ जिल्लाको सुन्दरबजार नगरपालिका- ४ मा आफैँले पालेको राँगाले हान्दा एक पुरुषको मृत्यु भएको छ । मृत्यु हुनेमा स्थानीय ४४ वर्षीय खुमबहादुर मौरती रहेका छन् । राँगोले हानेर गम्भीर घाइते उनी बेँसीशहर स्थित जिल्ला अस्पतालमा उपचार हुन नसकेपछि थप उपचारका लागि चितवन मेडिकल कलेज भरतपुरमा लैजाने क्रममा बाटोमै मृत्यु भएको प्रहरीले जनाएको छ । जिल्ला प्रहरी कार्यालयका प्रहरी निरीक्षक जगदीश रेग्मीका अनुसार राँगाले शनिबार खुमबहादुरकी १९ वर्षीया छोरी रविनालाई समेत घाइते बनाएको थियो । उनको जिल्ला अस्पतालमा उपचार भइरहेको छ । थप घटना हुन नदिनका लागि प्रहरीले राँगोलाई गोली हानेर मा
Copyright © 2021 / 2024 / Esoul Media (P) Ltd. / All Rights Reserved.
