बिर्तामोड / झापाको बिर्तामोड नगरपालिका –२ स्थित चारपानेबाट ब्राउनसुगर सहित प्रहरीले एक जनालाई पक्राउ गरेको छ । पक्राउ पर्नेमा बुद्धशान्ति –४ का ३१ वर्षीय चन्द्र बहादुर लिम्बू रहेका छन् ।
विशेष सूचनाका आधारमा मंगलबार बेलुका ७ बजे इलाका प्रहरी कार्यालय अनारमनी र लागुऔषध नियन्त्रण ब्युरो काँकडभिट्टाबाट खटिएको संयुक्त प्रहरी टोलीले उनलाई पक्रिएको हो ।
पक्राउ परेका लिम्बुको साथबाट प्रहरीले ३४ ग्राम लागुऔषध ब्राउनसुगर बरामद गरेको छ ।
