बिर्तामोड / मोरङको बेलबारी- ११ स्थित पूर्व पश्चिम राजमार्गमा मोटरसाइकल दुर्घटनाबाट १ जनाको मृत्यु भएको छ । मृत्यु हुनेमा मोटरसाइकल चालक मोरङ बेलबारी- १० का ३१ वर्षीय कुशुमलाल धिमाल रहेको प्रहरीले जनाएको छ । सोमबार दिउँसो सवा १२ बजे पूर्वबाट पश्चिमतर्फ जाँदै गरेको को २० प ७७५२ नम्बरको मोटरसाइकल आफै अनियन्त्रित भई दुर्घटना हुँदा मोटरसाइलकमा सवार मोरङ पथरीशनिश्चचरे -६ का २८ वर्षीय रमेश धिमाल घाईते भएका छन् ।
दुर्घटनाबाट घाईते भएका उनीहरूको उपचारको लागी नोबेल अस्पताल विराटनगर लगिएकोमा कुशुमलालको चेकजाँचको क्रममा डाक्टरले मृत घोषणा गरेको हो । घटना सम्बन्धमा इलाका प्रहरी कार्यालय बेलबारीबाट थप अनुसन्धान भइरहेको प्रहरीले जनाएको छ ।
