कपिलवस्तु / कपिलवस्तुको शिवराज नगरपालिका –१ स्थित धानखोलामा पहिरोमा पुरिएर दुई जना भारतीय नागरिक बेपत्ता भएका छन् ।
वडा प्रहरी कार्यालय चन्द्रौटाका अनुसार भारतको सिद्धार्थनगरका १७ वर्षीय निखिल कौशाल, वर्ष १८ सुरज सोनी बेपत्ता भएका हुन् ।
प्युठानको स्वर्गद्वारीबाट दर्शन गरी लु२ख २७१६ नम्बरको फोर्सबाट फर्किँदै गर्दा फोर्स गाडीबाट झरेर खोला तर्ने क्रममा पहिराले बगाएको हो ।
हराएको भारतीय नागरिकको खोजीकार्य जारी रहेको वडा प्रहरी कार्यालय चन्द्रौटाका प्रहरी निरीक्षक कपिलजङ्ग शाहीले जानकारी दिए ।
